ASTANA. 16 mamyr. Qytaı astanasy Beıjiń qalasynda zıka bezgegin juqtyrǵan alǵashqy adam anyqtaldy. Bul týraly TASS aqparat agenttigine silteme jasaǵan egemen.kz tilshisi habarlady.
Málimetter boıynsha, Shandýn provınsııasynyń túrǵyny 29 jastaǵy áıel 13 mamyr kúni Venesýeladan oralǵan eken. Atalǵan elden qaýipti aýrýdy juqtyryp kelgeni arnaıy zerthanalyq tekseristen keıin anyqtaldy. Qazir ol dárigerlerdiń baqylaýynda, úzbeı em qabyldap jatyr.
Sonymen qatar, Qytaıdyń ońtústigindegi Gýandýn provınsııasynda ótken jeksenbi kúni, ıaǵnı 15 mamyrda on ekinshi adamnyń zıka bezgegine shaldyqqany belgili boldy. Ol da jaqynda ǵana Venesýeladan kelgen 37 jastaǵy áıel adam.
«Sınhýa» aqparat agenttiginiń habarlaýynsha, osyǵan deıin atalǵan aýrýdy juqtyrǵan Aspanasty eliniń turǵyndary Latyn Amerıkasyna barǵan saparlarynda juqtyrǵan.
Aıan Ábdýálı.
Derek, foto: TASS.