Oregonda jeńip, Kentýkkıde jeńildi

Sharaına

AQSh-ta el prezıdenttigine kandıdattardyń praımerızi jalǵasyp jatqany belgili. Máselen, senator-demokrat Bernı Sanders Oregon shtatyndaǵy praımerızde óziniń básekelesi, burynǵy memlekettik hatshy Hılları Klıntonnan basym tústi. CBS News telearnasynyń derekterine qaraǵanda, Sanders partııalastarynyń 53 paıyz daýysyn alsa, Klıntonnyń kórsetkishi – 47 paıyz. Sonymen bir mezgilde, Kentýkkıde Klınton 47 paıyz daýys jınasa, sáıkesinshe, Sanderske tıgeni – 46 paıyz. Al respýblıkashylardyń praımerızinde Oregon shtatynda mıllıarder Donald Tramp, tipti, 67 paıyz daýys alypty. AQSh prezıdentin saılaý 8 qarashada ótetinin aıta keteıik. Saýdııany sotqa bermek edi... AQSh Kongresiniń senaty 2001 jyldyń 11 qyrkúıeginde uıymdastyrylǵan lańkestiktiń qurbandary men zardap shekkenderdiń otbasylaryna Saýd Arabııasyn sotqa berýge ruqsat etetin zańdy maquldady. Endi zań jobasyn Kongrestiń ókilder palatasy maquldaýy tıis. Sodan keıin AQSh prezıdentiniń qoly qajet bolady. Al qujat qaraýdyń barlyq satysynan «aman-esen» ótken jaǵdaıda ol shet memleketterdi AQSh sottarynda qaraǵan kezde ımmýnıtet usynatyn 1976 jylǵy qoldanystaǵy zańdy aınalyp ótýge múmkindik beredi. Biraq prezıdent B.Obama qazirdiń ózinde qujatqa veto qoıatynyn málimdep úlgergen. О́ıtkeni, AQSh-tyń Saýdııaǵa qaryzy baǵaly qaǵazdar men aktıvterdi qosa eseptegende 750 mıllıard dollardy quraıtyn kórinedi. Tórt jyl burynǵy deńgeıge jetti Irannyń munaı eksporty ótken sáýir aıynda 2012 jyldyń basyndaǵy kórsetkishten de asyp túsip, táýligine 2,3 mıllıon barreldi qurady. Bul – Halyqaralyq energetıka agenttiginiń boljamynan 15 paıyzǵa joǵary kórsetkish. Osy mamyr aıynda Iran 2,1 mıllıon barrel munaı satýdy josparlap otyr eken. Bul – 2015 jylmen salystyrǵanda (1,3 mıllıon barrel) aıtarlyqtaı úlken kórsetkish. Ekinshi jaǵynan, Iranda «qara altyndy» tasymaldaıtyn tankerler sany jetkilikti ekeni de aıqyn ańǵarylady. Jalpy, eldiń eksporty barlyq baǵyttarda óse túsip otyr eken. Solardyń qatarynda Qytaı jáne Eýropa elderi bar. Qysqa qaıyryp aıtqanda: Reseı kommýnısteri Memlekettik dýmaǵa saılaý kezinde Iosıf Stalınniń obrazyn paıdalanbaq nıette. Osylaısha, RFKP ózderiniń jaǵyna qosymsha elektorat tartpaq. Bul jóninde RFKP OK-niń hatshysy Sergeı Obýhov málimdedi. Polshanyń bıleýshi «Zań jáne ádilettilik» partııasynyń serkesi Iаroslav Kachınskı AQSh-tyń burynǵy prezıdenti Bıll Klıntonǵa, ol Polshada demokratııa normalary saqtalmaıdy dep málimdegennen keıin, dárigerge kórinýdi usyndy. Iа.Kachınskıdiń pikirinshe, eldegi demokratııa asa joǵary deńgeıde. Lýkoıl basshysy Vagıt Alekperov «Rossııa-24» telearnasyna suhbatynda málimdegenindeı, ústimizdegi jyly munaı baǵasy shamamen 45-55 dollar aralyǵynda terbelip turatyn bolady. Al jyldyń sońyna qaraı, bul tabaldyryq joǵarylaýy yqtımal. AQSh-tyń soltústik-shyǵysynda meteorıttiń qulaǵany tirkelgen. Aýada otty izdi beınekameralar túsirip alypty. Atap aıtqanda, Men shtatyndaǵy Portlend polısııa basqarmasyndaǵylar patrýldik qyzmetker túsirgen beınejazbany jarııalap úlgerdi. Meteorıttiń kólemi shaǵyn ǵana – avtokólik shamalas. HOK basshysynyń ustanymy qatal Halyqaralyq olımpıada komıtetiniń (HOK) basshysy Tomas Bah Reseı quramasy ústimizdegi jyly Brazılııanyń Rıo-de-Janeıro qalasynda ótetin Olımpııa oıyndarynan alastatylýy múmkin ekenin joqqa shyǵarmaıdy. Onyń sózine qaraǵanda, eger «dopıngtik baǵdarlamanyń» bolǵany týraly aıyp rastalatyn bolsa, Reseı quramasynyń Olımpıadaǵa jiberilmeýi ábden múmkin. «HOK jaýapkershilikke tek jekelegen sportshylardy ǵana emes, sondaı-aq, onyń tóńiregindegilerdi de tartatynyna kúmán bolmaýy tıis», dep málimdedi T.Bah. Sóıtip, aıyp taǵylǵan sportshylar olımpıadalarǵa ómir baqı qatystyrylmaýynan bastap, Reseı Jeńil atletıka federasııasyna aıtarlyqtaı aıyppul da salynýy yqtımal. Chavestiń ólimine kim kináli? Venesýela prezıdenti Ýgo Chaves kóz jumǵan rak aýrýy onyń aǵzasynda tabıǵı jolmen paıda bolmaǵan, jasandy túrde týyndaǵan, dep esepteıdi osy eldiń vıse-prezıdenti Arıstobýlo Istýrıs. Ol óziniń osyndaı kózqarasyn el astanasy – Karakasta ótken densaýlyq saqtaý salasy qyzmetkerleriniń jıynynda bildirdi. Vıse-prezıdenttiń sózine qaraǵanda, bul – bolıvarıan revolıýsııasyn aıaqtan shalyp, «dollar dıktatýrasyna» qater tóndiretin balamaly qarjy tártibin qalyptastyrýdy toqtatý maqsatynda jasalǵan qadam. A.Istýrıstiń pikirinshe, Chaves álemdik iri qarjy ortalyqtary úshin №1 jaýǵa aınalyp, osy sebepti ádeıi óltirilip otyr. «Biraq, – deıdi ol, – muny biz bilgenimizben, dáleldeı almaımyz». Ý.Chaves 2013 jyldyń naýryzynda 58 jasynda qaıtys bolǵan edi. [caption id="attachment_40719" align="alignleft" width="560"] man with map over tourist attraction[/caption] Reseı týrısteriniń tańdaýy – Praga Reseı týrısteri úshin eń tartymdy qala Praga kórinedi. Chehııanyń astanasyna barǵan týrıster ortasha eseppen alǵanda jambaspulǵa táýligine 58 eýrodan tóleıdi eken. Ekinshi orynda – Mınsk, úshinshi orynda Parıj tur. Alǵashqy ondyqqa, sondaı-aq, Rıga, Baký, Tallın, Rım, Barselona, Helsınkı jáne London kiredi. Al reseılikter úshin eldegi qalalardyń arasynda Máskeý birinshi oryn alady. Odan keıingi kezekte Sankt-Peterbýrg pen Qazan ornalasqan. Alǵashqy ondyqqa, sonymen qatar, Nıjnıı Novgorod, Ekaterınbýrg, Kalınıngrad, Iаroslavl, Petrozavodsk, Irkýtsk jáne Dondaǵy Rostov qalalary enip otyr. Sondaı-aq, tanymal shaǵyn qalalar qatarynda Máskeý túbindegi Serpýhov, Lenıngrad oblysyndaǵy Prıozersk jáne Vladımır oblysyndaǵy kóne Sýzdal bar. Internet materıaldary negizinde ázirlendi