ASTANA. 19 mamyr. Ýkraına parlamenti Dnepropetrovsk qalasyn «Dnepr» ózgertý jóninde sheshim qabyldady. Bul týraly RIA «Novostı» aqparyna súıengen egemen.kz tilshisi habarlady.
Sheshim qala turǵyndarynyń 80 paıyzdan astamy burynǵy ataýyn saqtap qalýǵa daýys bergenderine qaramastan shyǵarylyp otyr. Al oppozısııa ókilderi el bıliginiń osylaısha qalalarǵa jańa ataýlar berý arqyly qoǵamdy ózine qarsy qoıa bastaǵanyn málimdep úlgerdi.
Joǵarǵy radada 274 depýtat qala atyn ózgertýdi qoldady. Al keregi 226 daýys qana bolatyn.
Osyǵan oraı Ýkraınanyń ulttyq jadnama ınstıtýtynyń basshysy Vladımır Vıatrovıch óziniń Twitter-degi paraqshasynda qalanyń jańa aty Dnıpro ekenin, endi onyń orys tilinde de ol osylaı jazylýy kerektigin atap ótipti.
Rada Dnepropetrovskiden bólek, taǵy 300-den astam eldi mekenniń attaryna ózgerister engizdi. Bulardyń arasynda 9 aýdan, 6 qala jáne 284 selo men poselke bar. Solardyń qataryndaǵy Dneprodzerjınsk qalasy budan bylaı «Kamenskoe» dep atalatyn boldy.
Endi ýkraın parlamentine taǵy 9 eldi meken men 2 aýdannyń, sondaı-aq oblys ortalyǵy – Kırovgradtyń atyn ózgertý qalyp tur.
Talǵat Raıymbek.
Derek, foto: RIA Novostı.