Qazaqstanda 2050 jylǵa qaraı keminde úsh atom elektr stansııasyn iske qosý josparlanǵan. Bul kórsetkish elimizdiń atom salasyn damytýdyń jańa strategııasynda aıqyndalǵan. Mamandardyń boljamynsha, elektr energııasyn tutyný deńgeıiniń artýyna baılanysty bolashaqta tórtinshi stansııany salý jobasy da iske asyrylýy múmkin, dep habarlaıdy Egemen.kz.
Atom energııasy jónindegi agenttiktiń málimetinshe, strategııa aıasynda iri stansııalardan bólek, elimizdiń qolaıly óńirlerinde shaǵyn modýldik reaktorlar (ShMR) bazasynda AES salý nusqalary da zerdelenbek. Bul rette tehnologııalyq múmkindikter men ekonomıkalyq tıimdilik basty nazarda bolady. Sonymen qatar ýaqyt óte kele paıdalaný merzimi aıaqtalatyn eski kómir elektr stansııalaryn zamanaýı atomdyq qýattarmen almastyrý múmkindigi de qarastyrylyp otyr.
Elimizdegi ekinshi AES Almaty oblysynda salynady
Mundaı aýqymdy jobalardyń júzege asýy energetıkalyq sektordy ártaraptandyrýǵa jol ashady. Sala mamandarynyń pikirinshe, atom energetıkasyn damytý eldiń energetıkalyq qaýipsizdigin nyǵaıtyp, memlekettiń osy saladaǵy táýelsizdigin edáýir arttyrýǵa múmkindik beredi.
Prezıdent: AES-tiń aıaqtalǵanyn kútpeı jańa energııa kózderin iske qosý kerek
Eske sala keteıik, Qazaqstandaǵy alǵashqy atom elektr stansııasyna «Balqash» degen ataý berildi.