AQSh-tyń Qarjy mınıstrligi Reseı munaıy men munaı ónimderine qatysty operasııalarǵa salynǵan shekteýlerdi jeńildetý merzimin 16 mamyrǵa deıin sozdy, dep habarlaıdy Egemen.kz.
Jańa erejege sáıkes, eger munaı ónimderi tankerlerge 17 sáýirge deıin tıelgen bolsa, olarmen jasalatyn saýda kelisimderin AQSh-tyń shyǵys jaǵalaýy ýaqytymen 16 mamyr saǵat 00:01-ge deıin júrgizýge ruqsat etiledi. Bul lısenzııa 11 sáýirde merzimi aıaqtalǵan aldyńǵy qujatty tolyǵymen almastyrady.
Ormuz buǵazy ashyldy: Iran mańyzdy teńiz jolyn qaıta iske qosty
Degenmen, sanksııalyq jeńildikter Qyrym, Donbass, sondaı-aq Iran, Kýba jáne Soltústik Koreıamen baılanysty mámilelerge qoldanylmaıdy. Vashıngtonnyń mundaı qadamǵa barýyna Taıaý Shyǵystaǵy AQSh pen Izraıldiń Iranmen teketiresi aıasynda munaı baǵasynyń kúrt ósýi jáne naryqty turaqtandyrý qajettiligi sebep bolǵan. Bul sheshim G20 aıasyndaǵy talqylaýlar men seriktesterdiń qysymynan keıin qabyldandy.
Parsy shyǵanaǵyndaǵy soǵystan munaı eksporty 44 paıyzǵa quldyraǵan
Qazirgi ýaqytta munaı naryǵynda qubylmalylyq saqtalyp otyr. Ormuz buǵazynyń ýaqytsha ashylýynan keıin baǵa belgilenimderi shamamen 9%-ǵa tómendep, barreline 90 dollar mańaıynda turaqtady.