ASTANA. 19 mamyr. Shvesııa astanasy – Stokgolmde márege jetken «Eýrovıdenıe» mýzykalyq konkýrsynyń jeńimpazy, ýkraınalyq ánshi Jamala (Sýsana Jamaladınova) osy bas júldesinen aırylyp qalýy ábden múmkin. Bul týraly Oxu.Az aqparyna súıengen egemen.kz tilshisi habarlady.
Habarlanǵandaı, ánshi atalmysh konkýrs fınalynda salǵan «1944» ánin budan birneshe jyl buryn oryndap qoıǵan bolyp shyqty. Bul «Eýrovıdenıe» talabyna sáıkes kelmeıdi. Onda kez kelgen oryndaýshy soǵan deıin esh jerde aıtylmaǵan týyndyny shyrqaýy tıis.
Al Sýsana Jamaladınova 2015 jyly «Our Crimea» (Bizdiń Qyrym) festıvaliniń sheńberinde bul ándi ýkraın tilinde oryndap qoıǵan eken.
Qazir bári bul máselege «Eýrovıdenıe» basshylyǵynyń qaı qyrynan kelip, qalaı qaraıtynyna baılanysty bolmaq. Degenmen, onyń Eýropa habar taratýshy odaǵynyń kún tártibine engiziletininde kúmán joq.
Talǵat Raıymbek.
Derek, foto: Oxu.Az.
https://youtu.be/jf7tJVdaG_I