Ádilet mınıstrliginde mınıstr Berik Imashevtyń buqaralyq aqparat quraldary basshylarymen kezdesýi bolyp ótti. Kezdesý beıresmı túrde ótti. Onda B.Imashev qonaqtarǵa ádilet organdary qyzmetiniń negizgi baǵyttary týraly aıtyp, dóńgelek ústel basynda ekijaqty áńgime órbidi. Ol mınıstrliktiń negizgi baǵyty bolyp tabylatyn zań shyǵarý salasyna egjeı-tegjeıli toqtaldy. Sonymen qatar, mınıstrliktiń BAQ-pen ózara is-qımyly, yntymaqtastyǵy, qyzmetiniń keıbir problemalyq taqyryptaryn jarııalaý erekshelikteri aıtyldy.
Jýrnalıster mınıstrge jumys kórsetkishterine, qyzmettiń jekelegen baǵyttaryn, atap aıtqanda, halyqaralyq yntymaqtastyqty qamtamasyz etý, jeke sot oryndaýshylary ınstıtýty, zııatkerlik menshik quqyǵyn qorǵaý jáne t.b. damý perspektıvalaryna qatysty birqatar suraqtar qoıdy.
Sonymen qatar, BAQ basshylary mınıstrlik quzyreti sheńberinde áleýmettik sıpattaǵy, sonyń ishinde balalardy kútip-baǵýǵa alımentterdi óndirip alý problemalaryn sheshý joldaryna qyzyǵýshylyq tanytty. Pikir almasýǵa mınıstrdiń orynbasarlary da qatysyp, keıbir suraqtar men usynystar boıynsha tolyq túsinik berdi.
Kezdesý sońynda qonaqtar mınıstrliktiń qurylymdyq bólimsheleri basshylarymen aldaǵy jumys josparyn, jekelegen taqyryptyq máseleler boıynsha ózara is-qımyl jasaý tártibin jeke-dara talqylady, dep habarlady Ádilet mınıstrliginiń baspasóz qyzmeti.