ASTANA. 29 mamyr. Reseıdiń Rostov oblysynyń soty nárestesin araq qosylǵan sút qospasyn berip óltirgen áıeldiń isin qarap, tıisti jazasyn shyǵardy. Bul týraly «Interfaks» aqparyna súıengen egemen.kz tilshisi habarlady.
Oqıǵa jaıynda Reseı tergeý komıtetiniń aımaq boıynsha resmı ókili Galına Gagalaeva aıtyp berdi.
Tergeýdiń anyqtaýy boıynsha, Rostov oblysy, Sholohov aýdanynyń 24 jastaǵy turǵyny Elena Sırota jańa týǵan nárestesin ólip qalǵanynsha araqpen sýaryp kelgen. Nátıjesinde 2015 jylǵy 19 shildede jaryq dúnıege kelgen shaqalaq shydaı almaı, 23 tamyz kúni jantásilim etken. Teksere kelgende, jas áıeldiń óz sábıine sút qospasyn bererde oǵan udaıy araqty qosyp otyrǵany anyqtalǵan.
«Sot Rostov oblysynda turatyn áıeldi osy qylmysy úshin 10 aı kolonııa-mekende turý jazasyna kesti», - dedi arnaıy ókil juma kúni agenttik tilshisine.
О́kil sondaı-aq náresteniń sot saraptamasy qorytyndysy boıynsha, eki ókpesi qabynýy men alkogoldi ıntoksınasııasy qosylýy nátıjesinde qaıtys bolǵanyn jetkizdi.
Osyǵan baılanysty áıel abaısyzda kisi óltirip alý baby boıynsha jazaǵa tartyldy.
Talǵat Raıymbek.
Derek, foto: Interfaks.