Mádenıet jáne aqparat mınıstrligi Azamattyq bastamalardy qoldaý ortalyǵymen birlesip, shaǵyn granttar baıqaýyna ótinim qabyldaý bastalǵanyn habarlady, dep jazady Egemen.kz.
Mınıstrlik málimetinshe, jeńimpazdarǵa 3 aıǵa deıingi merzimde jobany júzege asyrý úshin 1 000 000 teńgege deıin qarjy beriledi. Sondaı-aq uıymdastyrýshylar tarapynan ádistemelik qoldaý kórsetiledi. Al ótinimder 2026 jylǵy 13-30 sáýir aralyǵynda qabyldanady.
Baıqaýǵa tirkelgen úkimettik emes uıymdar (ÚEU), volonterlik jobalar boıynsha bastamashyl toptar men volonterlik jobalar boıynsha 18 jastan asqan jeke tulǵalar qatysa alady.
Jańa Konstıtýsııa – volonterlikti nyǵaıtýǵa keń múmkindikter ashady
Granttar myna baǵyttar boıynsha beriledi:
volonterlik bastamalardy damytý (tótenshe jaǵdaılar, ekologııa, medısına, mádenıet, áleýmettik baǵyt, janýarlardy qorǵaý) – 60 grant; ınklıýzıvti qoǵamdy damytý – 18 grant; aýyldyq jerlerdi damytýǵa arnalǵan bastamalar – 18 grant.Aıta keteıik, byltyr 136 shaǵyn grant aıasynda belsendi azamattar men ÚEU jobalaryn júzege asyrǵan. Nátıjesinde elimiz boıynsha 10 myńnan asa azamatqa naqty kómek kórsetilip, 500-den astam is-shara uıymdastyrylǵan.
Depýtat volonterlik qyzmetti eńbek ótiline esepteýdi usyndy
Jobalar aıasynda 5 myń aýyl turǵyny qamtylyp, 1 myńnan astam múgedektigi bar azamat kásip ıgerip, jańa múmkindikterge qol jetkizdi. Sonymen qatar 4 myńnan astam adam volonterlik qyzmet, alǵashqy kómek kórsetý, tótenshe jaǵdaılarda áreket etý jáne qarttarǵa kútim jasaý daǵdylaryn meńgerdi.
Volonterlerdiń belsendi qatysýymen 400-ge jýyq erikti arheologııalyq ekspedısııalar jumysyna tartylǵan. Sondaı-aq veterınarlyq kómekke muqtaj 352 janýarǵa kómek berilgen. Ekologııalyq aksııalar aıasynda 1 tonnadan astam qoqys qaldyǵy jınalǵan.
Egde volonterdiń eleýli isi