Aqtaý qalasynyń turǵyny «Oımasha» oqý polıgony mańynda sańyraýqulaq terýge barǵan kezde kúdikti zat taýyp alǵan. Ol oq-dárige uqsas jarylmaǵan snarıad bolýy múmkin degen boljam bar, dep habarlaıdy Egemen.kz.
9 sáýir kúni bolǵan jaǵdaı týraly er adam birden áskerı qyzmetkerlerge habar bergen.
Aqtaý garnızonynyń baspasóz qyzmeti bergen málimetke sáıkes, oqıǵa ornyna jedel túrde Qarýly kúshterdiń ınjenerlik-saperlik toby jiberilgen.
Mamandar aýmaqty tekserip, tabylǵan zatty qaýipsiz joıý boıynsha tıisti sharalardy júzege asyrdy. Qazirgi ýaqytta jaǵdaı tolyq baqylaýda, turǵyndar úshin eshqandaı qaýip joq ekeni habarlandy.
Mańǵystaýda janarmaı beketinde jarylys bolyp, jumysshyny kúıik shaldy
Garnızon ókilderi turǵyndardy qaýipsizdik erejelerin qatań saqtaýǵa shaqyrdy.
Qazaqstanda arnaıy operasııa kezinde 40 qarý men 800 oq-dári tárkilendi
Mamandardyń aıtýynsha, kúdikti zat tabylǵan jaǵdaıda oǵan jaqyndaýǵa, qol tıgizýge nemese óz betinshe qandaı da bir áreket jasaýǵa qatań tyıym salynady. Mundaı jaǵdaılarda birden quqyq qorǵaý organdaryna nemese jedel qyzmetterge habar berý qajet.