Mońǵolııa astanasy Ulan-Batyrda bokstan Azııa chempıonatynyń erler arasyndaǵy fınaldyq syny ótip jatyr, dep jazady Egemen.kz.
70 kelide álem chempıony Tórehan Sabyrhan eresekter sanatyndaǵy alǵashqy Azııa chempıonatynyń fınalynda ıordanııalyq Zeıad Ishaıshke ese jiberdi.
3 raýndtyń qorytyndysy boıynsha 5:0 esebi tirkelip, Zeıad Ishaıshtiń qoly kóterildi. 20 jastaǵy Tórehan báseke barysynda shırek fınalda Shamsher Saıdovty (Tájikstan), keıin Van Peıchendy (Qytaı) qapy qaldyrdy.
Aıta keteıik, jazǵy Azııa oıyndary men álem chempıonatynyń qola júldegeri Ishaısh 2024 jyly óz elinde ótken Azııa chempıonatynyń fınalynda otandasymyz Aslanbek Shymbergenovpen judyryqtasyp, jeńilgen edi.
Tórehanǵa deıin 60 kelide sharshy alańǵa shyqqan Orazbek Asylqulov úndistandyq Sachın Sachındi qapy qaldyryp, chempıonattyń altyn júldesin qanjyǵalady.
Sondaı-aq kúni keshe qyzdar quramasy Azııa birinshiligin 2 altyn, 1 kúmis, 2 qola medalmen qorytyndylady. Jeńistiń birinshi tuǵyrynan kóringen burymdy boksshylardy Prezıdent quttyqtady.