Búgin Mońǵolııanyń Ulan-Batyr qalasynda bokstan erler arasynda Azııa chempıonatynyń fınaldyq básekeleri ótip jatyr, dep jazady Egemen.kz.
Ulttyq qurama sapynan alǵash bolyp Orazbek Asylqulov sharshy alańǵa shyqty. Otandasymyz 60 kelige deıingi salmaqtyń altyn júldesin úndistandyq Sachın Sachınge qarsy sarapqa saldy. Birinshi raýndta úndistandyq boksshy basymdyq tanytyp, 5:0 esebimen óz paıdasyna aıaqtady. Ekinshi raýndta Orazbek Asylqulov júıeli jumys istep, 3:2 esebimen jeńisti óz tarapyna bura aldy. Al sheshýshi raýndta otandasymyz shabýylda belsendi bolyp, nátıjeli soqqylar jasaı bildi. Nátıjesinde tóreshiler 3:2 esebimen jeńisti Qazaqstan boksshysyna berdi. Osylaısha, Orazbek Asylqulov erler arasynda ulttyq qurama qorjynyna alǵashqy altyn medaldi saldy.
Azııa chempıonaty: Mahmud Sabyrhan Mońǵolııa boksshysyna ese jiberdi
Aıta keteıik, kúni keshe qyzdar quramasy Azııa birinshiligin 2 altyn, 1 kúmis, 2 qola medalmen qorytyndylady. Sondaı-aq jeńistiń birinshi tuǵyrynan kóringen burymdy boksshylardy Prezıdent quttyqtady.