Ádilet mınıstrligi Respýblıkalyq jeke sot oryndaýshylar palatasymen birlesip, 2026 jylǵy 6-30 sáýir aralyǵynda azamattardyń belgili bir tólemder túsetin shottaryndaǵy tyıymdardy alyp tastaýǵa baǵyttalǵan naýqandy iske qosty, dep habarlaıdy Egemen.kz.
Naýqan aıasynda jalaqy, alıment, zeınetaqy jáne memlekettik járdemaqylar túsetin shottardaǵy tyıymdar alynyp tastalady.
Bul úshin azamattar Adilet.gov mobıldik qosymshasy arqyly tirkelip, jeke sot oryndaýshysyna tıisti shottardan tyıymdy alyp tastaý jóninde ótinish berýi qajet.
Salyq bereshegi qaı mejeden assa, esepshot buǵattalady?
Tyıymdy alyp tastaý tek rastaıtyn qujattar usynylǵan jaǵdaıda ǵana júzege asyrylady. Atap aıtqanda, jumys ornynan jalaqy túsetin shot ekeni týraly anyqtama, zeınetaqy shoty týraly qujat jáne ózge de rastaýlar talap etiledi.
Sonymen birge, Ádilet mınıstrligi mundaı shekteýlerdiń alynýy azamattardy atqarýshylyq qujattar boıynsha mindettemelerden bosatpaıtynyn eskertti. Iаǵnı qaryzdardy óteý, aıyppuldardy tóleý jáne ózge de talaptardy oryndaý mindeti saqtalady.