Taraz qalasynda polısııa qyzmetkerleri júrgizgen jedel-izdestirý sharalary barysynda esirtkiniń zańsyz aınalymyna qatysy bar degen kúdikpen 43 jastaǵy er adam ustaldy, dep habarlaıdy Egemen.kz.
Jeke tintý kezinde kúdiktiden erekshe ıisi bar aq tústi untaq zat salynǵan zıp-paketter tabylyp, tárkilendi. Keıin onyń turǵylyqty mekenjaıynda júrgizilgen tintý barysynda jatyn bólmesinen de osyndaı oramalar, elektrondy tarazy jáne esirtkini ólshep, býyp-túıýge arnalǵan quraldar anyqtaldy.
Aldyn ala málimet boıynsha, kúdikti áleýmettik jeliler arqyly jumys týraly habarlandyrýǵa tap bolyp, keıin esirtki taratýǵa baılanysty zańsyz áreketke kelisken. Ol jasyryn oryndardan esirtki zattaryn alyp, ony bólikterge bólip, Almaty jáne Taraz qalalary aýmaǵynda arnaıy oryndarǵa qaldyryp otyrǵan.
Qaraǵandyda esirtkige qarsy aýqymdy aksııa ótti: 2 myńnan astam graffıtı joıyldy
Jalpy tintý barysynda odan 122 gramm «Alfa-PVP» sıntetıkalyq esirtkisi tárkilendi.
Atalǵan fakti boıynsha sotqa deıingi tergeý bastaldy. Kúdikti ýaqytsha ustaý ızolıatoryna qamaldy.
Jetisý oblysynda esirtki daıyndaýmen aınalysqan 2 sheteldik azamat ustaldy
Qazirgi tańda oqıǵanyń barlyq mán-jaıyn anyqtaý jáne iske qatysy bolýy múmkin ózge tulǵalardy tabýǵa baǵyttalǵan tergeý amaldary júrgizilip jatyr.