ASTANA. 29 mamyr. Ýkraınanyń Kıev qalasyndaǵy jekemenshik qarttar úıi órtenip, 17 adam qaza tapty. Bul týraly 24.kz-ke silteme jasaǵan egemen.kz tilshisi habarlady.
Qarttar úıinde qaza tapqandardyń arasynda mekemeniń bir qyzmetkeri bar. Jergilikti polısııanyń habarlaýynsha, otqa oranǵan ǵımarattan 18 adam qutqarylǵan. Munyń 5-ýi jedel járdemniń kómegimen aýrýhanaǵa jetkizilgen. Dárigerler 2 qarııanyń hali aýyr dep otyr.
Aıta keteıik, eki qabatty ǵımaratty sharpyǵan órt 1,5 saǵatta áreń sóndirilgen. Qazirgi tańda Ýkraına bıligi adam ólimine ákelgen órt qaýipsizdigi normalary buzyldy degen aıyppen is qozǵap, «Týǵan oshaq» uıymynyń basshysyn qamaýǵa aldy.
Talǵat Raıymbek.
Derek, foto: 24.kz.