ASTANA. 29 mamyr. AQSh-tyń Tehas shtatynda tolassyz jaýǵan jańbyrdyń sońy sý tasqynyna ulasty. Bul týraly 24.kz-ke silteme jasaǵan egemen.kz tilshisi habarlady.
Tosyn tabıǵat apatynan 2 adam qaza tapqan, sondaı-aq 3 turǵyn iz-túzsiz joǵalyp ketkeni belgili boldy. Qazir apatty aımaqta arnaıy top qurylyp, qutqarý jumystaryn júrgizip jatyr. Al zardap shekkender qaýipsiz jerlerge kóshirildi.
Atalǵan shtattyń turǵyndaryna tek sý tasqyny ǵana emes, joıqyn tornado da zııanyn tıgizýde. Osynyń saldarynan 150 úı qırap qalǵan. Qazirgi tańda baspanasyz qalǵandar ýaqytsha úılerge ornalastyryldy, al jaraqat alǵandar aýrýhanalarǵa jetkizildi.
Aıta keteıik, AQSh-ta tosyn tabıǵat apaty jıi bolyp turady. Málimetter boıynsha, 2015 jyldyń 10 sáýirinde sońǵy 20 jylda bolmaǵan tornado soǵyp, Tehas, Lýızıana, Arkanzas, Mıssısıpı, Tennessı, Mıssýrı, Kentýkkı, Indıana shtattarynda ondaǵan úı qırap, birneshe turǵyn túrli deńgeıde jaraqat alǵan.
Aıan Ábdýálı.
Derek, foto: 24.kz.