ASTANA. 30 mamyr. AQSh-tyń prezıdenti laýazymyna alǵashqy úmitker belgili boldy. Bul týraly «Interfaks» aqparat agenttigine silteme jasaǵan egemen.kz tilshisi habarlady.
О́tken jeksenbi kúni, 29 mamyrda lıbertarıandyq partııa prezıdenttikke Nıý-Meksıko shtatynyń burynǵy gýbernatory Gerı Djonsondy usyndy. Florıdada ótken partııalyq sezd barysynda ol 55,8 paıyz daýys jınap, básekelesterinen basym túsken.
Osyǵan deıin lıbertarıandyq partııa saılaýlarda jeńiske jetetindeı múmkindikteri bolmaıtyn. Atalǵan partııa prezıdenttik saılaýǵa 1972 jyldan beri qatysyp keledi. Erkin naryqtyq ekonomıka, halyqaralyq erkin saýda, azamattardyń quqyǵy men erkindigin qamtamasyz etý jáne ózge elderdiń isine aralaspaýǵa shaqyrady.
Aıta keteıik, Gerı Djonson osydan tórt jyl buryn da memleket basshysynyń saılaýyna túsken. Nátıjesinde 1 paıyz daýys jınaǵan. Al bul jolǵy saılaý 2016 jyldyń qarasha aıynda ótedi.
Aıan Ábdýálı.
Derek, foto: «Interfaks».