ASTANA. 30 mamyr. Taılandtyń soltústik-shyǵysyndaǵy Ýdonthanı provınsııasynyń bıligi taratqan aqparatta osy eldiń azamaty Taıvan áýejaıynda zıka bezgeginiń belgilerimen toqtatyldy. Bul týraly inform.kz-ke silteme jasaǵan egemen.kz tilshisi habarlady.
«Qaýipti vırýstyń taralýyna jol bermeý úshin birqatar jumystar atqaryp jatyrmyz. Áýejaıdan qaýipti aýrýdyń belgileri boıynsha bir azamat toqtatyldy. Osyǵan baılanysty biz onyń otbasyn da baqylaýymyzǵa aldyq», – dedi densaýlyq saqtaý basqarmasynyń basshysy Mıt Prasannakarn.
Osymen bıyl Taılandta atalǵan vırýsty juqtyrǵan úshinshi adam juqtyrǵan Qańtar aıynda Ýdonthanı provınsııasynyń turǵyny, al keıinirek Bangkokta taǵy bir adamnyń zıka bezgegine shaldyqqany anyqtaldy.
Aıta keteıik, zıka – maımyldar arasyndaǵy juqpaly aýrý. Adamdarǵa masalar arqyly juǵady. Ol ásirese, júkti áıelder úshin qaýipti. Saldarynan ishtegi sábıdiń kórý, estý qabiletterinde aýytqýshylyqtar paıda bolady. Sonymen qatar, bas súıegi óz mólsherinde damýyna zııanyn tıgizedi.
Aıan Ábdýálı.
Derek, foto: inform.kz.