Bizdi biriktiretin joldy usynamyn

Memleket basshysynyń Qazaqstan halqyna úndeýi Qurmetti qazaqstandyqtar! Qymbatty otandastar! Búgin, 2011 jylǵy 31 qańtar kúni Konstı­tý­sııalyq Keńes Ata Zańymyzǵa Qazaqstan Res­pýb­lıkasy Tuńǵysh Prezıdentiniń óki­let­tigin respýblıkalyq referendým arqyly uzar­týdy qarastyratyn ózgerister men to­lyqtyrýlar engizý týraly Zańnyń quqyqtyq taǵdyry týraly sheshimin shyǵardy. Parlament depýtattary bul zańdy refe­ren­dýmdy qoldaý jónindegi úndeýge qolda­ryn qoıǵan bes mıllıonnan astam qazaqstan­dyq­tyń qalaýyn basshylyqqa ala otyryp qabyldaǵan bolatyn. Bul bastamany men óz Jarlyǵymmen qabyldamaı tastadym. Alaıda, Parlament konstıtýsııalyq qu­qy­­ǵyn paıdalanyp, atalǵan zańdy qabyl­dady. Konstıtýsııalyq Keńes Parlament qa­byl­da­ǵan sheshimdi qarap, Zańdy Konstıtýsııaǵa sáıkes kelmeıdi dep tanydy. Munymen Konstıtýsııalyq Keńes osy máselede respýblıkalyq referendým ótkizý múmkindigin joqqa shyǵarmaıdy. Men qabyldanǵan sheshimmen kelisemin. Osylaısha, kúrdeli saıası ahýal qalyp­tas­ty. Bul meni Memleket basshysy retinde tarıhı jaýapkershiliktiń bar júgin moınyma alyp, referendýmnyń taǵdyry týraly sheshim qabyldaýǵa mindetteıdi. Qymbatty otandastar! Men búkilhalyqtyq senim bildirgeni úshin barsha qazaqstandyqtarǵa shynaıy rızashy­ly­ǵymdy bildiremin. Bastamashy topqa, depýtattarǵa jáne «Qa­zaq­stan-2020»  demokratııalyq kúshterdiń bú­kil­halyqtyq koalısııasyna alǵys aıtamyn. Bul – ekonomıkalyq damý jáne elimizdi áleý­mettik jańǵyrtýdaǵy baǵdarymyzǵa  bú­kil­­halyqtyq qýatty qoldaý men senimniń aıqyn aıǵaǵy. Men úshin óz halqymnyń qaltqysyz qol­daýynan artyq bıik baǵa bolmaıdy. Bastamashy toptyń osy usynys arqyly Elbasy ókilettigin 10 jylǵa uzartý ǵana emes, elimizdiń órkendeýi jáne qoǵamdyq turaq­tylyqty nyǵaıtý baǵytyndaǵy irgeli isterdi jalǵastyrýdy kózdegenine senemin. Bir jaǵynan, men saılaýshylardyń basym kópshiligin quraıtyn búkilhalyqtyq basta­ma­ny keri qaıtara almaımyn. Máseleniń ekinshi qyry, men Elbasy jáne Konstıtýsııanyń kepili retinde bolashaq saıasatkerlerge jańylys baǵyt silteıtin iske  jol bere almaımyn. Sondyqtan, meni halyq durys túsinedi dep senemin. Biz bul jaıtty jaı «qabyldaý nemese bas tartý» retinde emes, ómirdiń ózi usynǵan demo­kratııanyń tarıhı taǵylymy dep qa­byl­daǵa­nymyz jón. Bul – Elbasy men halyqtyń Ata Zańǵa adaldyǵyn baǵamdaıtyn taǵylymdy dáris. Demokratııalyq jolmen saılanǵan Tuń­ǵysh Prezıdent retinde elimizdiń bıik múd­delerin basshylyqqa ala otyryp, men referendým ótkizbeý týraly sheshim qabyldadym. Jurtshylyqty bóletin «referendým álde saılaý» degen tańdaýdyń ornyna men hal­qy­myzdyń erki men demokratııalyq qaǵıdat­tar­ǵa adaldyǵyn eskeretin jáne bizdi biriktiretin joldy usynamyn. Men ókilettigimniń eki jylǵa qysqaraty­nyna qaramastan, merziminen buryn Prezıdent saılaýyn ótkizý týraly usynys engizemin. Tıisti Zań Parlamentke usynylady. Qadirli qazaqstandyqtar! Sizderdiń qoldaýlaryńyz men úshin memleket pen halyq múddesi jolynda qashanda senim men shyndyqtan aınymaı qyzmet etýge kúsh beretin bastaý bolady. Aldymyzda áli atqarylatyn qyrýar ister bar. Biz ındýstrııalyq-ınnovasııalyq jáne áleýmettik jańǵyrtý baǵdarlamalaryn ba­tyl iske asyrýdamyz. Birge keńese otyryp oıǵa alǵan josparla­ry­myzdy iske asyramyz jáne Otanymyzdy gúldendire túsemiz dep kámil senemin. Biz kemel keleshegimizdiń berik irgesin birge qalaımyz!