Astana men Temirtaý qalalaryndaǵy SOS balalar úıleriniń tárbıelenýshileri VII Qysqy Azııa oıyndarynyń jankúıerleri bolý baqytyna keneldi. Azıadanyń ashylý saltanatyna qatysqan balalar endi elorda stadıondaryn aralap, jarystardy tamashalaıtyn bolady.
Balalar úshin muny taǵdyr syıy dese de bolady. Olar mundaı qýanyshqa «ENRC Qazaqstan» kompanııasynyń óziniń «ENRC-Kómek» qaıyrymdylyq qorymen birlesip júzege asyrǵan qaıyrymdylyq sharasy arqasynda qol jetkizip otyr. Atalmysh qor SOS balalar aýylyndaǵy tárbıelenýshiler úshin Azııa oıyndaryna bıletter satyp áperdi.
О́mirde balalarǵa keıde ata-analary da jasaı almaıtyn jaqsylyqtar jasap turatyn adamdar men bútindeı bir kompanııalardyń bolǵany qandaı ǵanıbet! Solardyń arasynda ENRC kompanııasy osydan biraz jyl buryn qazaqstandyq úsh SOS aýylyn óz qamqorlyǵyna alǵan bolatyn. Búginde ár úıde ınternetke jalǵanǵan kompıýterlerdiń bolýy, balalardyń jazda lagerlerge baryp demalyp qaıtýǵa múmkindik alýy sonyń arqasy. Búldirshinderdiń qoldarynan shyqqan ozyq degen týyndylar konkýrs arqyly iriktelip alynyp, kompanııanyń korporatıvtik ashyq hattarynyń syrtqy bezendirilýi retinde de paıdalanylýda.
Balalar úıleri tárbıelenýshileri arasyndaǵy kezekti kórkemónerpazdar baıqaýy aldaǵy Naýryz merekesi kúnderi ótpekshi.
S.ALMASOV.