Qujattyń jumyldyrýshy qýaty

Elbasynyń 2020 jylǵa deıingi el damýynyń strategııasy aıqyndalǵan «Bolashaqtyń irgesin birge qalaımyz» atty Qazaqstan halqyna Joldaýy jer-jerde naqty is-qımyl baǵ­dar­lamasy retinde qabyl­da­ný­da. Osynaý baǵdarlamanyń iske asýy respýblıkamyzdyń ekono­mı­kasy tıimdi jáne halyqtyń turmys deńgeıi joǵary kúshti memleketke aınalýyna múmkin­dik bermek. Asa mańyzdy qu­jat­ty talqylaýǵa arnalǵan Almaty qalasy aktıviniń jınalysynda osy sózder altyn ózek bolyp órildi. Jıynǵa qala ákimi Ahmetjan Esimov qatysyp, sóz sóı­ledi. El táýelsizdiginiń jı­yr­ma jyldyǵy qarsańynda jarııa etilýi Joldaýdyń tarıhı mán-mańyzyn aıǵaqtaı túsken­deı. Onda ekonomıkany jedeldete jańalandyrýǵa úlken kóńil bó­lingen. Prezıdent atap kór­set­kenindeı, bizdiń ekonomıkamyz­dyń básekege qabilettiligi ener­gııa shyǵyndaryn kemitýdi qam­ta­masyz etetin tıimdi tehno­lo­gııa­larǵa negizdelýi tıis. – Indýstrııalandyrý óńirlik saıasattyń jańa paradıgmasyn qa­lyptastyrady, al munyń ózi bı­lik­tiń jergilikti organdaryna erekshe jaýapkershilik júkteıdi, – dedi A.Esimov. – Búgingi tańda Almatyda el Prezıdenti Joldaýda alǵa qoıǵan mindetterdi oryn­dap shyǵý úshin barlyq alǵy­sharttar bar. Shynynda da qala ekono­mıkasy órge basýda. О́tken jyl­dyń qory­tyn­dylary boı­ynsha ekonomıkaǵa sońǵy jyl­darda bolyp kórmegen mól­sher­de kúrdeli qarjy sa­lyn­dy. Azıada nysandarynyń qury­lysy jónindegi Elbasy tap­syr­ma­sy oryndalǵandyǵy atap ótildi. Joldaýda bıik rýh, úlken saıası mán bar ekendigi aı­tyldy. Ol ultty óziniń barsha múmkindikterin, halyq qýatyn jarqyn bolashaq úshin ju­myldyrýǵa shaqyrady. Qala ákiminiń orynbasary Serik Seıdýmanov, basqa da sóı­leýshiler respýblıkamyzda jáne Almatyda qol jetken tabystar Nursultan Nazar­baev­tyń joǵary bedeliniń ar­qasynda múmkin bolyp otyr­ǵandyǵyn málimdedi. Aktıv jınalysynda alma­ty­­lyqtar Memleket basshy­sy­nyń senimin aqtap, alǵa qoı­yl­ǵan mejelerdi abyroımen eńse­retinine senim bildirdi. Qorǵanbek AMANJOL. Almaty.