Almatyda «Bóbek» Ulttyq ǵylymı-praktıkalyq bilim berý jáne saýyqtyrý ortalyǵynda Bilim jáne ǵylym mınıstri Erlan Saǵadıevtiń qatysýymen elimizde «О́zin-ózi taný» rýhanı-adamgershilik bilim berý baǵdarlamasynyń júzege asyrylýy týraly keńeıtilgen keńes ótti. Keńeske «Bóbek» qorynyń prezıdenti, «О́zin-ózi taný» rýhanı-adamgershilik bilim berý baǵdarlamasynyń avtory Sara Nazarbaeva, Bilim jáne ǵylym mınıstriniń keńesshisi Balııa Ákimbekova, N.Nazarbaev Bilim qory dırektorynyń birinshi orynbasary Svetlana Murzabekova, sondaı-aq «Bóbek» Ulttyq ortalyǵynyń qyzmetkerleri qatysty.
Keńeıtilgen otyrys elimizde ǵana emes, búkil álemde izgi qundylyqtardyń, jaqsylyq pen ádilettilik murattarynyń oryndalýyna eleýli úles qosýshy S.Nazarbaevanyń alǵy sózimen ashyldy. О́z sózinde baǵdarlama avtory óskeleń urpaqty rýhanı-adamgershilik turǵyda damytýǵa arnalǵan «О́zin-ózi taný» baǵdarlamasy – bul bilim berý úderisiniń adamnyń rýhanı tabıǵatyna sáıkestigin qalpyna keltirýdi, súıispenshilik pen qamqorlyqtyń tutas keńistigin qamtamasyz etýdi, árbir balanyń ishki áleminiń erekshelikterin, onyń emosııalyq-sezimdik jáne mentaldyq tájirıbesin eskerýdi kózdeıtin ınnovasııalyq pedagogıkalyq júıe ekendigine basta nazar aýdardy. О́zin-ózi taný ıdeıasy avtorynyń pikirinshe, baǵdarlamanyń máni balanyń rýhanı ósý jáne tulǵalyq qalyptasý úderisinde oǵan barynsha pedagogıkalyq qoldaý kórsetý bolyp tabylady. Sara Alpysqyzy qazaqstandyq qoǵamda rýhanı-adamgershilik qundylyqtardy nasıhattaýdy maqsat tutqan, Qazaqstannyń bilim berý júıesinde júzege asyrylyp jatqan, metapándik jáne tárbıelik áleýetke ıe «О́zin-ózi taný» baǵdarlamasynyń erekshe rólin atap ótti.
О́z kezeginde elimizdiń Bas muǵalimi aldymen ústimizdegi jyly Prezıdent N.Á.Nazarbaevtyń Qazaqstanda 2016-2019 jyldary bilim men ǵylymdy damytýdyń memlekettik baǵdarlamasyn qabyldaý týraly Jarlyqqa qol qoıǵanyn, elimiz úshin mańyzdy baǵdarlamada atalmysh salanyń aldaǵy tórt jyl ishinde damý baǵyty men tıisti ózgeristeri aıqyn kórsetilgenin, ózgerister bilim salasynyń barlyq satylaryn – mektepke deıingi mekemelerden bastap joǵary oqý oryndaryna deıingi aralyqty tolyq qamtıtynyn alǵa tartty. Sondaı-aq, memlekettik baǵdarlamany júzege asyrýdaǵy eń negizgi qadam – bilim berý júıesin jańǵyrtý ekendigine jete toqtalyp, ınnovasııalyq baǵdarlamalardyń memlekettik dárejede tııanaqty túrde keńinen oılastyrylyp, júzege asyrylýy elimizdi ıntellektisi joǵary, rýhanı baı ultqa aınaldyrýdyń alǵysharty ekendigi eshbir kúmán týdyrmaıtynyn tilge tıek etti.
«Bóbek» Ulttyq ortalyǵynyń bas dırektory Irına Logınova Sara Alpysqyzynyń «О́zin-ózi taný» rýhanı-adamgershilik bilim berý baǵdarlamasynyń ultymyzdyń tirshilik úshin kúres jolyndaǵy mańyzy aıryqsha ekendigin, adamgershiligi joǵary, elimizdiń shyn mánindegi azamatyn, patrıotyn daıarlaý maqsatynda qurylǵanyn aıta kelip, bilim alýshy jastardy rýhanı-adamgershilik turǵysynan tárbıeleýdiń barlyq deńgeıleriniń úzdiksizdigin jáne sabaqtastyǵyn qamtamasyz etetindigine toqtaldy. Sondaı-aq, keńes otyrysynda «О́zin-ózi taný» rýhanı-adamgershilik bilim berý baǵdarlamasy aıasyndaǵy qanatqaqty bilim berý uıymdarynyń jelisin keńeıtý, ondaǵy qosymsha bilim berýge qatysty oqý josparynyń ınvarıantty bóliminiń kólemin ulǵaıtý úshin qosymsha saǵattar bólý, «Bóbek» ortalyǵynda biliktilikti arttyrýdyń deńgeılik kýrstarynan ótken ózin-ózi taný trenerleriniń shtattyq birligin engizý, ózin-ózi taný muǵalimderin attestasııalaý Erejesine ózgertýler engizý, bilim berý uıymyndaǵy árbir pán muǵaliminiń «О́zin-ózi taný» baǵdarlamasy boıynsha biliktilikti arttyrý kýrstarynan mindetti túrde ótýin qarastyrý, ózin-ózi taný ıdeıalaryn qoǵamda nasıhattaýǵa arnalǵan aqparattyq alańdardy keńeıtý týraly máseleler keńinen talqylanyp, tıisti usynystar qabyldandy.
Gúlzeınep SÁDIRQYZY,
«Egemen Qazaqstan»
ALMATY