Jabyq mekemelerde jazasyn ótep jatqan sottalýshylarǵa túzeý mekemesinen tys jerde smartfon paıdalanýǵa ruqsat berý usynylyp otyr, dep habarlaıdy Egemen.kz.
Ishki ister mınıstrliginiń tıisti buıryq jobasy «Ashyq NQA» portalynda jarııalanyp, qoǵamdyq talqylaýǵa shyǵaryldy.
Mınıstrlik ázirlegen qujat tek eń tómengi qaýipsizdik deńgeıindegi mekemelerge qatysty. Bul sanatta abaısyzda qylmys jasaǵandar, sondaı-aq aýyrlyǵy jeńil qylmysty alǵash ret jasaǵan azamattar jazasyn óteıdi.
Usynylyp otyrǵan ózgeristerge sáıkes:
- Sottalǵandarǵa mekemeden tys jerde smartfon qoldanýǵa ruqsat berý;- Úshinshi oń minez-qulyq dárejesi bar azamattarǵa «tynysh saǵat» engizý;- Sybaılas jemqorlyq táýekelderin azaıtý maqsatynda termınaldar arqyly kezdesýge jazylý jáne qalaǵa shyǵýǵa ótinish berý múmkindigin qarastyrý kózdelgen.
Buıryq jobasy 11 naýryzǵa deıin qoǵamdyq talqylaýǵa shyǵarylǵan.
Shymkentte sottalǵandardy azaptaǵan túzeý mekemesiniń úsh qyzmetkeri qamaýǵa alyndy
Eń tómengi qaýipsizdik deńgeıindegi mekemelerde oqshaýlaý talaptary jeńil. Munda jazasyn ótep júrgenderge azamattyq kıim kııýge, otbasymen birge turýǵa, mekemeden tys jerde eńbek etýge múmkindik beriledi.
Aıta keteıik, ótken jyldyń qazan aıynda Májilis depýtattary alqabıler sotyna sottalǵandardy merziminen buryn bosatý quqyǵyn berý týraly zań jobasyna bastamashy bolǵan edi. Jospar boıynsha bul ózgeristerdi birqatar óńirde pılottyq rejımde engizý kózdelgen.
Iаna Legkodımovanyń ólimine qatysty úkim: Sottalǵandar apellıasııalyq shaǵym túsirdi