Mysyr Qazaqstanmen týrızmdi birlese damytýǵa múddeli

Almatyǵa resmı saparmen Mysyr týrızminiń ákimshiligi men Mysyr meımanhanashylary qaýymdastyǵynyń ókilderi atbasyn burdy, olar jýrnalıs­termen týrızm naryǵynyń ahýa­ly týrasyndaǵy aqparatpen jáne osy saladaǵy jańa bas­ta­ma­larmen bólisip, sondaı-aq, mysyrlyq shıpajaılardyń týrıstik qyzmetiniń jańa múm­kindikterin pash etedi. Resmı delegasııamen qatar Almatyǵa 13 jetekshi mysyrlyq týrıstik operatorlardyń ókilderi de keldi. Maqsat – týrıstik qyzmetter kórsetetin qazaq kompanııalarmen nátıjeli yntymaqtastyq ornatý. Sonymen, birden Almaty oblysy ákiminiń orynbasary Serik Turdalıev pen Ońtústik Sınaı gýbernatory Halıd Fýda eki aı­maqtyń týrızm salasyndaǵy yntymaqtastyǵy týraly memorandýmyna qol qoıýdan bas­talǵan baspasóz máslıhaty tusaý­keserlerge ulasty. Mysyr eli úshin týrızm salasy erekshe mánge ıe. Al endi sońǵy 60 jylda álemdegi týrıster sany bir jylda 25 mıllıonnan 1 mıllıard adamǵa deıin artty, bul sala turaqty túrde ósýde jáne qazirgi tańda ǵalamsharymyzdyń árbir 11-shi turǵyny týrızm salasynda qyzmet etýde. Dástúrli túrde týrızm Mysyr ekonomıkasynyń eń mańyzdy quramdastarynyń biri bolyp tabylady: 4 mıllıonnan astam mysyrlyqtar týrıstik salada jumys jasaıdy, el IJО́-siniń 12 paıyzǵa jýyǵy týrızmnen túsetin tabys. Sońǵy onjyldyqta Mysyrǵa baǵyt alǵan týrıstik aǵyn úsh ese artqan (5-ten 15 mıllıonǵa deıin), al kýrorttardyń syıymdylyǵy 18 myń bólmeden 280 myńǵa deıin ósken. Saıahattaǵandy súıetinder úshin Mysyr eń qoljetimdi jáne tartymdy týrıstik baǵyttardyń biri bolyp qalýda, ol demalýshylar­ǵa kóne mádenıet pen zamanaýı ký­rorttyq ınfraqurylym­nyń qaı­talanbas úılesimin, jyl on eki aı boıy tamasha aýa ra­ıyn, birden kýrorttarǵa tikeleı jaqyn mańdaǵy birneshe zamanaýı áýejaılarǵa ushyp kelý múmkindigin jáne túrli deńgeıdegi jáne baǵa aralyǵyndaǵy yńǵaıly qonaq úılerdi tańdaýdy usynady. Qazaqstan turǵyndaryna ar­nalǵan Mysyrdaǵy týrıstik múmkindikterge keler bolsaq, My­syrdyń týrızm mınıstrligi jáne mysyrlyq týroperatorlar eki eldiń tıimdi yntymaqtastyǵy­nyń jalǵasýyna nıet bildirip, búgingi kúni qazaqstandyq týrısterge joǵary sapadaǵy qyzmetterdiń jańa tartymdy qataryn usynýǵa daıar. 2014 jylǵy Qazaqstannan Mysyrǵa bet alǵan týrıster aǵynynyń birshama saıabyrsýynan keıin qazaqtar arasyndaǵy mysyrlyq kýrorttardyń tany­maldylyǵy qaıta artty: ótken jylda Mysyrǵa Qazaqstannan 22 myńnan astam qonaq barsa, eń sátti saparlar jeltoqsan, qańtar jáne naýryz aıy dep eseptelinedi. Aınash ESALI, «Egemen Qazaqstan» ALMATY