«Úmit» úıiniń úmitkerleri

«Qazsınk» qyzmetkerlerimen kezdesti Taıaýda «Qazsınk» JShS qyzmetkerleri О́skemendegi «Úmit» balalar úıiniń tárbıelenýshilerimen kezdesý ótkizdi. Elimizdegi iri metallýrgııalyq keshenniń mamandary balalarmen suhbatty Qazaqstannyń Tuńǵysh Prezıdenti Nursultan Nazarbaevtyń jastyq shaǵynda Qaraǵandy metallýrgııalyq kombınatynda shyńdalyp, ómirdiń úlken belesinen ótkeninen, Shyǵys Qazaqstan óńirine kelgen jumys saparlarynda jergilikti metallýrgtermen jıi júzdesetininen bastady. Jalpy, bul kezdesý «Úmit» úıiniń tárbıelenýshilerine úmit syılaǵan jarqyn kezdesý boldy. Tústi metallýrgııa óndirisiniń maıtalmandary jastardyń keleshegine azyq bolarlyq kásip, bolashaqta mańdaıyn jarqyratatyn maman­dyq tańdaý týraly áńgime shertti. – Adam aldyna bıik, biraq oryndalatyn maqsattar qoıýy kerek. Qazirgi daǵdarys kezeńinde qandaı kásiporyndar aǵysqa qarsy talmaı júzip kele jat­qanyn qarańyzdar. Olardyń arasynda bizdiń kompanııamyz da bar. Iá, biz dál qazirgi ýaqytta álemdegi tústi metall qunynyń tómendeýin bastan ótkerýdemiz. Biraq shyǵarylatyn ónimderdiń ártúrliliginiń arqasynda, kásip­orynnyń jaǵdaıy turaqty. Kiristiń 60 paıyzyn turaqty suranysqa ıe altyn óndirisi be­redi. «Qazsınk» – Qazaqstandaǵy qundy metaldardyń iri óndirýshisi. Sondyqtan, qazirgideı qıyn sátte kásiporynnyń turaqty jumys isteýi ekonomıkamyz úshin óte ma­ńyzdy, – dedi «Qazsınk» JShS-nyń ákimshilik máseleler jónindegi atqarýshy dırektory Andreı Lazarev. Andreı Pavlovıchtiń aıtýynsha, qandaı qıyndyq týsa da «Qazsınk» qyzmetkerlerin qysqartpaıdy. Búginde kásip­orynda 350 baǵyttaǵy mamandyq ıelerinen quralǵan 25 myń adam jumys isteıdi. Alyp kásiporynmen áriptes bolyp otyrǵan túrli saladaǵy merdiger-seriktestikter de jeterlik. Bul kezdesýde «úmittikter» kom­pa­nııanyń jetistikteri men múm­kindikteri týraly fılmdi tamashalady. Kásiporynnyń jastar keńesiniń belsendileri Vıktorııa Grohotova men Artýr Myshagın «Qazsınkte» jumys isteýge qa­laı kelýge bolatyndyǵyn áń­gi­meledi. Olardyń aıtýynsha, kez kelgen jasqa jumysqa degen qulshynyspen birge bilim de qajet. Sondyqtan, Shyǵys Qa­zaqstan oblysynyń orta jáne joǵary oqý oryndarymen, onyń ishinde О́skemendegi D.Serik­baev atyndaǵy Shyǵys Qazaqstan mem­lekettik tehnıka­lyq ýnı­ver­­sıtetimen, polıtehnıkalyq jáne gýmanıtarlyq-tehnıkalyq, Rıdderdegi agrarlyq-tehnı­ka­lyq jáne kóp salaly, Zyrıandaǵy agrarly-tehnı­kalyq, qurylys jáne kólik kolledjderimen tyǵyz áriptestik baılanys ornatqan. Kompanııa ýnıversıtetterdegi «tústi metallýrgııa», «taý-ken marksheıder isi», «tústi metaldy baıytý» jáne taǵy basqa ma­mandyqtar daıarlaıtyn fa­kýltetterdegi stýdentterdi oqý merziminde-aq tańdap, maq­satty baǵdarlamalardy iske qo­sady. О́skemen metallýrgııalyq kesheninde 2011 jyldan beri ShQMTÝ kafedrasynyń fılıaly jumys isteıdi. Atalǵan kafedrada oqý úderisi ýnıversıtet­tegi oqý baǵdarlamasymen qatar júr­­giziledi. Iаǵnı, II kýrsta stý­dentterdi iriktep alsa, III-IV kýrsta qosymsha daıarlaý baǵ­darlamasymen fılıalda oqytyla bastaıdy. Stýdentter mindetti túrde tehnıkalyq aǵylshyn ti­lin meńgeredi. III kýrstan keıin bolashaq mamandar óndiristik tájirıbeden ótedi. Oqý ýaqytynda olarǵa shákirtaqy tólenedi. Oqý­dy aıaqtaǵan kezde stýdentter dıplommen birge kompanııadaǵy jumys ornyna kepildik beretin kafedra fılıalynyń sertıfıkatyna ıe bolady. Fılıaldaǵy oqytýdy «Qazsınktiń» úzdik mamandary júrgizedi. Kompanııanyń Eńbek re­­sýrs­tary basqarmasynyń bas­tyǵy Marııa Kýımovanyń aıtýynsha, mamandyqty kásiporyndaǵy jumys úderisi barysynda alýǵa da bolady. Iаǵnı, olar qoǵam­ǵa qajetti nemese qyzyqty shyǵar­ma­shylyq múmkindikterdi keńinen júzege asyrýdy qoldaıdy. Marııa Aleksandrovna balalar saýalyna oraı, kásiporynda metallýrg pen qorytýshy suranysqa ıe mamandyqtar qataryna jatatynyn aıtty. Bul mamandyqtan ári qaraı qyzmettik ósýge qol jet­kizýge bolady. О́ıtkeni, olar óndiristiń barlyq tehnologııalyq úderisin biledi. Metallýrgtiń myqty adam bol­ǵany abzal. Jumys aýyr, biraq onda qara kúshtiń ıesi bolý azdyq etedi. Ishki rýhanı ózegi barlyq qıyndyqtardy eńsererlikteı shydamdy, shyńdala túsýge beıim jan ǵana metallýrg bola alady, dedi A.Lazarev. Bul sózdi óziniń «Qazsınktegi» eńbek joly týraly aıtyp bergen «Nur Otan» partııa uıymynyń tóraǵasy, О́skemen qalasy máslıhatynyń depýtaty Nurlan Omarbekov te qostady. Ýnıversıtetti «metallýrgııa» ma­mandyǵy boıynsha bitirgen soń balqytýshy bolyp jumysqa or­nalasqan ol alǵashqy kúnderi qatty sharshaǵany sonshalyq, úıge kelgeninde kelesi kezekke deıin del-sal bolyp uıyqtaıtynyn, birte-birte aýyr jumysqa kóndigip, seh, brıgada men jumysshylar ómiriniń bólinbes bir bólshegine aınalyp ketkenin jetkizdi. Sondaı-aq, aýyr jumysqa jaqsy eńbekaqy tólenetinin, birtindep tabysyn páter, keıin kólik satyp alýǵa jınaqtaǵanyn, qoǵamdyq ómirge belsene aralasa bastaǵanyn aıtty. Sondyqtan, aýyr jumystan qorqýdyń qajeti joq. Bastysy, alǵashqy aıda shydamdylyq tanytý. Onyń ústine búgingi myrysh óndirisi biz jumysty bastaǵan kezge qaraǵanda sapa, avtomattylyq jaǵynan aıtarlyqtaı ósti, dedi metallýrgter arasynan depýtat atanǵan N.Omarbekov. Al qyzmetkerlerdi oqytý jáne damytý basqarmasynyń bastyǵy Svetlana Plotnıkova kásiporyn­da qatań tártiptiń saqtalatyndyǵyn, jaýapkershilik tanytpaǵandar men jaman ádetterge áýes jandar jumystan shettetiletinin de jasyrmady. – Árıne, kazarmadaǵydaı ás­kerı tártip dep oılaýdyń qajeti joq. Tártip úlken jaýapkershilikti sezindiredi. Jumysqa adam ty­nyǵyp, saý sanamen kelýi tıis. Áıt­­pese, jaraqatta­nyp qa­lýyń, óziń­niń, bolmasa ózge áriptesterińniń ómirine qaýip tónýi múmkin. Eń bas­tysy, eńbek, eńbek bárin jeńbek, – dedi Andreı Lazarev. Kezdesýdiń «Úmit» úıiniń balalaryna jaqsy áser qaldyrǵany bolar, olar metallýrgııalyq keshenmen tanysý úshin saıahat uıymdastyrýdy ótindi. Aıta ketelik, qazir balalar úıinde 200 tárbıelenýshi bolsa, olardyń 30-y bıyl 9-11 synyptardy aıaqtaıdy. Kompanııa jetekshileri balalardyń arman-maqsattaryn tyńdap, olardyń oqý oqyp, kásiporynǵa jumysqa kelýlerine, batyl sheshim qabyldaǵan bala­larǵa qajetti jaǵdaı jasaýǵa barlyq múmkindikterdiń barlyǵyn jetkizdi. «Úmit» úıi balalarynyń úmitin oıatqan osy kezdesý talaı balanyń júregine ot jaqqany anyq. Olardyń arasynan keleshekte altyn shaıqap, mys qazatyn metallýrgııa maıtalmandary kóptep shyǵýy ǵajap emes. Dýman ANASh, «Egemen Qazaqstan»  О́SKEMEN