Elbasy Nursultan Nazarbaev Úndistan Respýblıkasynyń Premer-mınıstri Narendra Modımen telefon arqyly sóılesti, dep habarlady Prezıdenttiń baspasóz qyzmeti.
Áńgimelesý barysynda memleketter basshylary ekijaqty qarym-qatynastyń ahýaly men perspektıvalaryn, sondaı-aq óńirlik jáne halyqaralyq mańyzdy máselelerdi talqylady.
Nursultan Nazarbaev jahandyq kún tártibi jónindegi taraptar ustanymynyń ortaqtyǵy men saıası qarama-qaıshylyqtyń bolmaýy ekijaqty dıalogty udaıy damytýǵa qolaıly jaǵdaı qalyptastyratynyn atap ótti.
N.Modı Astanamen aradaǵy ózara tıimdi yntymaqtastyqty damytý Úndistannyń Ortalyq Azııadaǵy syrtqy saıasatynyń basymdyǵy bar baǵyty ekenin málimdedi.
Taraptar eki memlekette de birin biri tolyqtyratyn yntymaqtastyqtyń áleýeti jetkilikti ekenin quptaı kelip, jan-jaqty ekonomıkalyq kooperasııany damytýǵa bar kúsh-jigerdi jumsaýǵa ázir ekenin bildirdi.
Telefonmen áńgimelesýge Úndistan tarapy bastamashylyq etti.