Elimizde kólik salasyn barshaǵa qoljetimdi etý baǵytyndaǵy jumystar jalǵasyp jatyr. Úkimet otyrysynda erekshe qajettilikteri bar azamattarǵa arnalǵan arnaıy vagondardy kezeń-kezeńimen engizý jáne ınfraqurylymdy beıimdeý máselesi qaraldy, dep jazady Egemen.kz.
Kólik mınıstri Nurlan Saýranbaev Úkimet otyrysynda kólik salasyndaǵy ınklıýzıvti saıasatty júzege asyrý barysyn baıandap, negizgi baǵyttardy atap ótti.
«Inklıýzıvti saıasat tujyrymdamasy aıasynda kólikke qoljetimdilikti qamtamasyz etý úsh negizgi baǵyt boıynsha júrýde, olar – ınfraqurylym, kólik jáne qyzmet kórsetý», dedi N. Saýranbaev.
Mınıstrdiń aıtýynsha, temirjol kóliginde quramdardyń shamamen 90%-y kótergishtermen jáne arnaıy kýpelermen jabdyqtalǵan. Al 2030 jylǵa qaraı ár quramda keminde bir mamandandyrylǵan vagon qarastyrylady.
Sondaı-aq vokzaldardy jańǵyrtý jumystary da qatar júrgizilip jatyr. Rekonstrýksııa aıasynda pandýstar, lıftter, kótergish qurylǵylar ornatylyp, kassalar men sanıtarlyq toraptar qaıta jabdyqtalady.
Erekshe jandar eleýsiz qalmaıdy
Avıasııa salasynda da oń ózgerister bar. Mınıstrdiń sózinshe, áýejaılardyń qoljetimdilik deńgeıi artyp, erekshe qajettilikteri bar jolaýshylarǵa qyzmet kórsetý talaptary qamtamasyz etilgen.
Avtomobıl kóligi baǵytynda ınklıýzıvtilik kezeń-kezeńimen kúsheıip keledi. Búginde avtovokzaldar men avtostansııalardyń shamamen 80%-y, al qalalyq avtobýstardyń 79%-y qoljetimdilik talaptaryna sáıkes.
Sonymen qatar ınvataksı qyzmeti de damyp jatyr. Avtopark 30%-ǵa ulǵaıyp, 1426 birlikke jetken.
Bekbaeva: Ýchaskelerde erekshe qajettiligi bar jandarǵa jaǵdaı jasaldy