Úkimet otyrysynda erekshe qajettilikteri bar azamattardy jumyspen qamtýdyń jańa tetikteri talqylandy. Eńbek jáne halyqty áleýmettik qorǵaý mınıstri Asqarbek Ertaev ınklıýzıvti eńbek naryǵyn damytý jáne qoldaýdyń proaktıvti modelin engizý josparlarymen bólisti, dep habarlaıdy Egemen.kz.
Mınıstrdiń málimdeýinshe, bıyldan bastap erekshe qajettilikteri bar adamdardy jumysqa ornalastyrýǵa arnalǵan kvota sany aıtarlyqtaı artady. Sondaı-aq mınıstrlik bıylǵy birinshi jartyjyldyqtyń sońyna deıin uıymdar tizbesin sıfrlyq esepke alýdyń jańa tásilin ázirleıdi.
«Múgedektigi bar adamdardy jumysqa ornalastyrý úshin sıfrlyq jumyspen qamtý qyzmeti engiziledi, ol jumysqa ornalastyrǵanǵa deıin azamattardy belsendi súıemeldeý modeline kóshýdi qamtamasyz etedi. Osy jyldan bastap biz 17 myńǵa jýyq múgedek adamdy kvotamen qamtýdy josparlap otyrmyz, bul 2025 jylmen salystyrǵanda 2 ese kóp», dedi vedomstvo basshysy.
О́tken jyldyń qorytyndysy boıynsha elimizde eńbekke qabiletti 413,7 myń erekshe jannyń 110,8 myńy jumyspen qamtylǵan.
Múgedek jandarǵa qandaı salyq jeńildigi bar?
Jumyspen qamtýdyń eń joǵary kórsetkishi Ulytaý oblysy men Qaraǵandy óńirinde baıqalady. 8,1 myń adam arnaıy kvota sheńberinde turaqty jumys tapty.
Endi múgedektikti anyqtaý úshin JI qoldanylýy múmkin
Mınıstrlik ózge kásiporyndarǵa úlgi bolatyn «TOP-10 áleýmettik jaýapty jumys berýshi» tizimin de erekshe atap ótti. Bul kompanııalar ınklıýzııany keńeıtýde memlekettiń basty seriktesterine aınalyp otyr.