Petropavl qalasynda avtojol ótpejolyn salýǵa bólingen bıýdjet qarajatyn jymqyrý faktisi boıynsha qylmystyq is qozǵaldy. Memleketke keltirilgen shyǵyn 2 mlrd teńgeden asty. Is boıynsha kúdikti qamaýǵa alynyp, tergeý jalǵasyp jatyr, dep jazady Egemen.kz.
Qarjylyq monıtorıng agenttiginiń Soltústik Qazaqstan oblysy boıynsha departamentiniń málimetinshe, 2023 jyldyń tamyzynda Petropavl qalasy ákimdiginiń «Turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi» KMM men «BUKA» JShS arasynda jalpy quny 5,4 mlrd teńgege avtojol ótpejolyn salý týraly kelisimshart jasalǵan.
Iri kólemde qarjy jymqyrǵan qurylys kompanııasynyń basshysy Reseıden ekstradısııalandy
Alaıda jobany iske asyrý barysynda merdiger uıym jumys kestesinen júıeli túrde keshigip otyrǵan. Tergeý barysynda anyqtalǵandaı, kompanııa dırektory tapsyrys berýshi taraptyń laýazymdy tulǵalarymen sóz baılasyp, naqty oryndalmaǵan jumystardy oryndaldy dep kórsetetin jalǵan aktilerdi rásimdegen.
Sol qujattardyń negizinde merdigerdiń esepshotyna bıýdjet qarajaty negizsiz aýdarylǵan. Sonyń saldarynan memleketke 2 mlrd teńgeden astam zalal keltirilgen.
Sot sanksııasymen jalpy quny 270 mln teńgeden asatyn 24 avtokólik pen arnaıy tehnıkaǵa tyıym salyndy. Sonymen qatar kúdiktige qatysty qamaýda ustaý túrindegi bultartpaý sharasy qoldanyldy.
Qazirgi ýaqytta tergep-tekserý jalǵasyp jatyr. Qylmystyq-prosestik kodekstiń 201-babyna sáıkes, ózge málimetter jarııalaýǵa jatpaıdy.
Astanada jedel járdem stansııasynyń qyzmetkerleri jyldar boıy qarjy jymqyrǵan