Elbasynyń merziminen buryn saılaý ótkizý týraly usynysyn Qazaqstan Respýblıkasy Parlamenti palatalarynyń 2 aqpandaǵy birlesken otyrysynda talqylap, «Qazaqstan Respýblıkasynyń Konstıtýsııasyna tolyqtyrý engizý týraly» Zań biraýyzdan maquldanyp, qabyldandy. Zańǵa sáıkes Prezıdenttiń kezekten tys saılaýy Elbasy sheshimimen taǵaıyndalady jáne Konstıtýsııalyq zańda kórsetilgen tártippen belgilengen merzimde ótkiziletin bolady. Prezıdent apta basyndaǵy halyqqa Úndeýinde óziniń naqty kózqarasyn bildirgen bolatyn. О́zin qoldaǵan halqyna, depýtattarǵa, Elbasymyzdyń prezıdenttik ókilettigin 2020 jylǵa deıin uzartý jónindegi bastamashy toptyń múshelerine, «Nur Otan» HDP bastaǵan saıası partııalardyń ókilderine rızashylyǵyn bildire otyryp, demokratııalyq jolmen júretinimizdi jarııa etken edi.
Qazaqstanda demokratııany damytý baǵytynda tarıhı qadam jasaldy. Prezıdent bolashaq urpaqtyń keleshegin oılady, keleshekte Qazaqstanda qýatty saıası órleý bolýyn qalady. Bul Elbasymyzdyń bolashaq úshin jasalǵan tarıhı sheshimi arqyly Qazaqstannyń halyqaralyq arenadaǵy bedelin taǵy bir beleske kóterdi.
Elbasymyz elimizdiń demokratııalyq qundylyqtardy baǵalaıtynyn búkil álemge pash etip, kemeńger basshysy bar el ekenimizdi taǵy da dáleldep berdi. Osy sebepti, halyq Elbasymyzǵa senedi, onyń óz jumysyn ary qaraı jalǵastyra berýine shyn kóńilden tilektes.
Búgingi kúnniń tarıhı shyndyǵy – qandaı saılaý bolmasyn, Elbasy halyqtyń úlken qoldaýyna ıe bolatyny anyq. О́ıtkeni, eldiń senimin aqtaǵan adam qaı ýaqytta bolsa da shynaıy qoldaýǵa laıyq. О́z basym qashan da Prezıdentimizdiń júrgizip otyrǵan sarabdal saıasatyn qoldaımyn.
Qylyshbaı BISENOV, Parlament Májilisiniń depýtaty.