Osy bir jan tebirenterlik oqıǵa Jańa Zelanııada oryn alǵan. Joldan ótip bara jatqan ana koala men onyń balasyn mashına qaǵyp ketedi. Sosyn júrgizýshi olardy jaqyn jerdegi veterınarııalyq klınıkaǵa jetkizip salady.
Dárigerler olardy qarap bolǵannan keıin denesinde azdaǵan jaraqaty bar koala bóbegine em kórsetedi de, ókpesine eleýli zııan kelgen onyń anasyn birden operasııa ústeline jatqyzady.
Lızzı (klınıka qyzmetkerleri mama-koalaǵa osyndaı at beripti) narkozben operasııa ústelinde jatqan kezde bóbegi ony qatty qysyp qushaqtap, janynan bir de shyqpaı qoıypty. Keıde ol anasynyń arqasyna shyǵyp alyp, oǵan erkelep te kóripti.
Al Lızzı birneshe ota jasalyp bolǵasyn birneshe kúnnen keıin ǵana óz-ózine keledi. Qazir dárigerler ony antıbıotıktermen emdep jatyr. Biraq ol úshin eń kúshti dári Fantom atty laqap esimi bar kishkentaı ulynyń ózine degen súıispenshiligi men qamqorlyǵy bolyp tur.
Talǵat Raıymbek.
Derek, foto: ras.kz.