AQSh-tyń Lýızıana shtatynda bolǵan qaıǵyly oqıǵadan 8 bala kóz jumdy. Taǵy eki adam jaraqat alǵan, dep habarlaıdy Egemen.kz.
Oqıǵa 19 sáýir kúni tańǵy ýaqytta Shrıvport qalasynda tirkelgen. Belgisiz er adam birneshe jerde – bir kvartalda ornalasqan eki úıde jáne jaqyn mańdaǵy taǵy bir úıde oq atqan.
Qaza tapqan balalardyń eń kishisi – 1 jasta, úlkeni – 14 jasta. Aldyn ala málimetter boıynsha, qurbandardyń keıbiri qylmyskerdiń týystary bolyp shyqty.
Astanada páterden shyqqan órtten úsh bala qaza tapty
Jergilikti bılik ókilderiniń habarlaýynsha, oqıǵadan keıin shabýyl jasaǵan adam kólik urlap, qashýǵa árekettengen. Alaıda polısııa ony ustaý barysynda atyp óltirgen.
Shrıvport qalasynyń meri Tom Arseno bul jaǵdaıdy qala tarıhyndaǵy eń aýyr tragedııalardyń biri dep atady.
Qazirgi ýaqytta quqyq qorǵaý organdary oqıǵanyń barlyq mán-jaıyn anyqtap jatyr.