Áleýmettik jelilerde patrýldik polısııanyń talabyn oryndap, aıyppul arqalaǵan azamatqa qatysty daýly jaǵdaı talqylanyp jatyr, dep habarlaıdy Egemen.kz.
Júrgizýshiniń aıtýynsha, ol aýlalyq aýmaqta turǵan kezde patrýldik polısııa qyzmetkerleri oǵan kólikti artqa qaraı júrgizip, jol berýin suraǵan. Talapty oryndaý barysynda ol kólikti birneshe metr artqa jyljytqan, alaıda avarııalyq sıgnaldy qospaǵany úshin ákimshilik jaýapkershilikke tartylǵan.
Atalǵan jaǵdaıda júrgizýshige Qazaqstan Respýblıkasynyń Ákimshilik quqyq buzýshylyq týraly kodeksiniń tıisti baby boıynsha «syrtqy jaryq berý quraldaryn jáne avarııalyq sıgnaldy paıdalaný erejelerin buzý» faktisimen 5 AEK kóleminde aıyppul salynǵan.
Almatyda haıýanattar baǵynda arystanǵa tas laqtyrǵan er adamǵa aıyppul salyndy
Júrgizýshi bul sheshimniń negizdiligine kúmán keltirip, polısııa qyzmetkerleriniń talabyn oryndaǵan jaǵdaıda jaýapkershilikke tartylýynyń zańdylyǵyna qatysty suraqtar qoıǵan.
Máselege qatysty qoǵamdyq pikir ekige bólindi: bir tarap jol qozǵalysy erejelerin tolyq saqtaý qajettigin alǵa tartsa, ekinshi tarap polısııa qyzmetkerleriniń azamattardy quqyq buzýshylyqqa ıtermeleýge quqyǵy joq ekenin atap ótken.
Kaspıı teńiziniń jaǵalaýynda tártip buzǵan sheteldik blogerge aıyppul salyndy
Eske sala keteıik, buǵan deıin Ishki ister mınıstrligi keıbir jol-kólik oqıǵalarynan keıin salynǵan aıyppuldar barlyq jaǵdaıda zańdy bola bermeıtinin, naqty jaǵdaıǵa qaraı olardyń joıylýy múmkin ekenin túsindirgen bolatyn.
Nurbolat AMANBEK