Semeıde jergilikti kondıter sehtarynyń birinde qasıetti Ramazan aıynyń qurmetine «Aýyzashar» atty kondıterlik ónimder jıyntyǵy shyǵarylýda. О́ndirilgen taǵamdardyń ishinde shı baýyrsaq, jent sııaqty ulttyq ónimdermen birge qurma, pechene bar.
Seh jetekshisi Janargúl Jumaǵalıevanyń aıtýynsha, otandyq ónimge kórshiles Reseı, Qytaı, Mońǵolııa elderinen tapsyrys túsip jatyr. Osydan 10 jyl buryn ashylǵan shaǵyn sehta bastapqyda 2-3 adam eńbek etip, ónimniń 5-6 túri ǵana shyǵarylsa, qazirgi tańda ol 30-ǵa jýyq adamdy jumyspen qamtyǵan, qanatyn keńge jaıa bastaǵan kásiporynǵa aınalyp keledi.
– Men mamandyǵym boıynsha qazaq tili men ádebıeti pániniń muǵalimimin. Sondyqtan, kondıterlik sehymyzda óndiriletin kúlshelerimizdi qazaqy qalypta ataǵandy unatamyn. Máselen, «Taqııa», «Shańyraq» degen pecheneler bar. Túr-turpatyna qarap ta ataı beremiz, – deıdi seh jetekshisi.
Dýman ANASh,
«Egemen Qazaqstan»
SEMEI