2015 jylǵy 30 qarasha, Astana qalasy
Eńbek kitapshalarynyń nysanyn, olardy júrgizý jáne
saqtaý qaǵıdalaryn bekitý týraly
Qazaqstan Respýblıkasynyń 2015 jylǵy 23 qarashadaǵy Eńbek kodeksiniń 16-babynyń 25) tarmaqshasyna sáıkes buıyramyn:
1. Mynalar:
1) osy buıryqqa 1-qosymshaǵa sáıkes eńbek kitapshasynyń nysany;
2) osy buıryqqa 2-qosymshaǵa sáıkes Eńbek kitapshalaryn júrgizý jáne saqtaý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrligi Zań qyzmeti departamentine osy tarmaqtyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B. Nurymbetovqa júktelsin.
4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 30 qarashadaǵy № 929 buıryǵyna 1-qosymsha
Eńbek kitapshasynyń nysany
Qazaqstan Respýblıkasynyń Memlekettik Eltańbasy
Eńbek kitapshasy
Trýdovaıa knıjka
Tegi ___________________________________________________________________________________________
Famılııa
Aty __________________________________________________________________________________________
Imıa
Ákesiniń aty (ol bolǵan kezde)_____________________________________________________________________
Otchestvo (prı ego nalıchıı)
Týǵan kúni ______________________________________________________________________________________
Data rojdenııa
Bilimi _________________________________________________________________________________________
Obrazovanıe
Mamandyǵy, biliktiligi ___________________________________________________________________________
Spesıalnost, kvalıfıkasııa
Toltyrylǵan kúni 20__ jylǵy «__» ________________________________________________________________
Data zapolnenııa
Qyzmetkerdiń qoly _____________________________________________________________________________
Podpıs rabotnıka
Jumys berýshi ýákilettik bergen adamnyń qoly _____________________________________________________
Podpıs ýpolnomochennogo rabotodatelem lısa
Jumysy týraly málimetter Svedenııa o rabote
№ kúni chıslo aıy mesıas jyly god Jumysqa qabyldaý týraly, basqa jumysqa aýystyrý týraly (laýazymy kórsetiledi) jáne eńbek shartynyń toqtatylýy (sebepteri men zańnamalyq aktilerge siltemeler kórsetiledi) týraly málimetter
Svedenııa o prıeme na rabotý, o perevodah na drýgýıý rabotý (s ýkazanıem doljnostı) ı prekrashenıı trýdovogo dogovora (s ýkazanıem prıchın ı ssylok na zakonodatelnye akty) Jazbany engizý negizdemesi (qujat, onyń kúni men nómiri)
Na osnovanıı chego vnesena zapıs (dokýment, ego data ı nomer)
1 2 3 4
Marapattaýlar men kótermeleýler týraly málimetter
Svedenııa o nagrajdenııah ı pooshrenııah
№ kúni chıslo aıy mesıas jyly god Uıymdaǵy jumysqa baılanysty ordendermen, medaldarmen jáne gramotalarmen marapattaýlar, qurmetti ataqtar berý jáne kótermeleýler týraly málimetter
Svedenııa o nagrajdenııah ordenamı, medalıamı ı gramotamı, prısvoenıı pochetnyh zvanıı ı pooshrenııah, svıazannyh s rabotoı v organızasıı Jazbany engizý negizdemesi (qujat, onyń kúni men nómiri)
Na osnovanıı chego vnesena zapıs (dokýment, ego data ı nomer)
1 2 3 4
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 30 qarashadaǵy №929 buıryǵyna 2-qosymsha
Eńbek kitapshalaryn júrgizý jáne saqtaý qaǵıdalary
1. Jalpy erejeler
1. Osy Eńbek kitapshalaryn júrgizý jáne saqtaý qaǵıdalary (budan ári – Qaǵıdalar) 2015 jylǵy 23 qarashadaǵy Qazaqstan Respýblıkasynyń Eńbek kodeksiniń (budan ári – Kodeks) 16-babynyń 25) tarmaqshasyna sáıkes ázirlendi jáne eńbek kitapshalaryn júrgizý jáne saqtaý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) eńbek kitapshasy – qyzmetkerdiń eńbek qyzmeshti týraly málimetterdi qamtıtyn qujat;
2) jumys berýshiniń aktileri – jumys berýshi shyǵaratyn buıryqtar, ókimder, nusqaýlyqtar, erejeler, eńbek tártibiniń qaǵıdalary;
3) jumys berýshi – qyzmetker eńbek qatynastarynda turatyn zańdy nemese jeke tulǵa;
4) qosymsha paraq – jumys berýshi eńbek kitapshasy sııaqty tártippen resimdeıtin jáne júrgizetin eńbek kitapshasynyń ajyramas bóligi.
2. Eńbek kitapshalaryn júrgizýdiń jáne saqtaýdyń tártibi
3. Eńbek kitapshasyn (ol bolǵan kezde) jumys berýshi qyzmetkerdiń eńbek qyzmetin rastaý úshin júrgizedi jáne «Jumysy týraly málimetter» men «Marapattaýlar men kótermeleýler týraly málimetter» degen eki bólimnen turady.
4. Eńbek kitapshasyna:
1) qyzmetker týraly málimetter: tegi, aty, ákesiniń aty (ol bolǵan kezde), týǵan kúni, bilimi, biliktiligi, mamandyǵy;
2) jumysy týraly málimetter: jumysqa qabyldaý, basqa jumysqa aýystyrý, eńbek shartynyń toqtatylýy;
3) marapattaýlar men kótermeleýler týraly málimetter engiziledi.
Qyzmetkerge qatysty tártiptik jaza qoldaný týraly jazbalar eńbek kitapshasyna engizilmeıdi.
5. Eńbek kitapshasyndaǵy eńbek shartyn jasaý ne ony toqtatý, basqa jumysqa aýystyrý, sondaı-aq marapattaýlar men kótermeleýler týraly barlyq jazbalar arab sandarymen jazylady (kúni men aıy eki tańbaly sanmen, jyly tolyq kórsetiledi) jáne olardy birinshi basshy ne ol ýákilettik bergen laýazymdy adam jumys berýshiniń tıisti aktisi jarııalanǵannan keıin engizedi jáne jazbalar onyń mátinine sáıkes kelýge tıis. Eńbek sharty toqtatylǵan kezde, eńbek kitapshasyna jazba eńbek sharty toqtatylǵan kúnnen keshiktirmeı engiziledi.
6. Qyzmetker týraly málimetter eńbek kitapshasynyń birinshi betine jazylady jáne birinshi basshynyń ne ol ýákilettik bergen laýazymdy adamnyń qolymen, uıymnyń mórimen (ol bolǵan kezde) rastalady.
Tegi, aty, ákesiniń aty (ol bolǵan kezde) (qysqartylmaı tolyq) men týǵan jyly jeke basyn kýálandyratyn qujattardyń negizinde kórsetiledi.
Bilimi, mamandyǵy men biliktiligi týraly qujattardyń negizinde kórsetiledi.
7. «Jumysy týraly málimetter» degen bólimde jumys berýshiniń tolyq ataýy jeke jolda taqyryp túrinde kórsetiledi.
8. Qyzmetker qabyldanǵan laýazymnyń ataýy týraly jazbalar eńbek shartynyń, jumys berýshi aktisiniń, uıymnyń shtat kestesiniń negizinde júrgiziledi.
9. Eger qyzmetker jumys istep júrgen kezde jumys berýshiniń ataýy ózgerse, onda «Jumysy týraly málimetter» degen bólimniń 3-baǵanynda jeke jolǵa tıisti jazba jazylady, al «Jumysy týraly málimetter» degen bólimniń 4-baǵanynda ataýyn ózgertý negizdemesi (zańdy tulǵany memlekettik tirkeý (qaıta tirkeý) týraly anyqtamanyń kúni men nómiri nemese jeke tulǵanyń – jumys berýshiniń jeke kýáligi) kórsetiledi.
10. «Marapattaýlar men kótermeleýler týraly málimetter» degen bólimge mynadaı:
1) Qazaqstan Respýblıkasynyń memlekettik nagradalarymen marapattalýy jáne qurmetti ataqtar berilgeni týraly;
2) qurmet gramotalarymen, tós belgilerimen, dıplomdarmen marapattalýy týraly;
3) eńbektegi jetistikteri úshin eńbek, ujymdyq sharttar men jumys berýshiniń aktilerine sáıkes kótermeleýler týraly málimetter engiziledi.
11. Eńbek kitapshasynda qyzmetkerdiń eńbek qyzmeti týraly jańsaq nemese naqty emes jazbalar anyqtalǵan jaǵdaıda, ózgeristerdi tıisti jazbany engizgen jumys berýshi júzege asyrady.
12. Eger jańsaq nemese naqty emes jazbalardy engizgen jumys berýshi – zańdy tulǵa qaıta uıymdastyrylsa, ózgeristerdi onyń quqyqtyq mırasqory engizedi.
13. Qyzmetkerdiń tegi, aty, ákesiniń aty (ol bolǵan kezde) jáne týǵan kúni týraly jazbalardy ózgertýdi jeke basyn rastaıtyn qujattardyń, neke týraly, nekeni buzý týraly, tegin, atyn, ákesiniń atyn ózgertkeni týraly kýálikterdiń negizinde sońǵy jumys orny boıynsha jumys berýshi júrgizedi. Kórsetilgen ózgerister eńbek kitapshasynyń birinshi betine (tıtýldyq paraq) engiziledi. Bir syzyqpen burynǵy tegi nemese aty, ákesiniń aty (ol bolǵan kezde), týǵan kúni syzylyp tastalady jáne jańa derekter jazylady. Tıisti qujattarǵa siltemeler muqabanyń ishki jaǵyna jazylady jáne basshynyń nemese ol ýákilettik bergen adamnyń qolymen jáne uıymnyń mórimen (ol bolǵan kezde) rastalady.
14. Jumysy týraly málimetterdi túzetý mynadaı tártippen júrgiziledi: «Jumysy týraly málimetter» degen bólimniń 3-baǵanynda tıisti rettik nómiri, jazba engizilgen kúni kórsetilgennen keıin mynadaı: «№_______jazbanyń kúshi joıylǵan. _______ laýazymyna qabyldanǵan» degen jazba júrgiziledi jáne «Jumysy týraly málimetter» degen bólimniń 4-baǵanynda jumys berýshiniń eńbek kitapshasyna jazbasy qate engizilgen buıryǵynyń (ókiminiń) kúni jáne nómiri qaıtalanady.
Eńbek sharty zańsyz buzylǵan, burynǵy jumysyna aýystyrylǵan jáne qaıta qabyldanǵan jaǵdaıda mynadaı: «№____ jazbanyń kúshi joıylǵan, burynǵy jumysyna qaıta qabyldanǵan» degen jazba júrgiziledi.
Eńbek shartynyń buzylý sebebiniń tujyrymy ózgergen jaǵdaıda mynadaı: «№ ____ jazbanyń kúshi joıylǵan, eńbek sharty toqtatylǵan (nemese buzylǵan)» degen jazba júrgiziledi jáne jańa tujyrymy kórsetiledi. Bul jaǵdaıda «Jumysy týraly málimetter» degen bólimniń 4-baǵanynda jumysqa qaıta qabyldaý nemese eńbek shartynyń toqtatylý sebebiniń tujyrymyn ózgertý týraly buıryqqa silteme jasalady.
15. Eńbek qyzmeti týraly málimetter Kodekstiń 35-babyna sáıkes qyzmetkerdiń eńbek qyzmetin rastaıtyn qujattarǵa sáıkes túzetiledi.
16. Eńbek kitapshasyndaǵy «Jumysy týraly málimetter» jáne «Marapattaýlar men kótermeleýler týraly málimetter» degen bólimderde buryn engizilgen qate nemese naqty emes jazbalardy syzyp tastaýǵa jol berilmeıdi.
17. Qyzmetkermen eńbek sharty toqtatylǵan kezde jumys berýshide jumys istegen ýaqytynda eńbek kitapshasyna engizilgen jumysy, marapattaýlar men kótermeleýler týraly barlyq jazbalar birinshi basshynyń ne ol ýákilettik bergen laýazymdy adamnyń qolymen, uıymnyń mórimen (ol bolǵan kezde) rastalady.
18. Eńbek kitapshasyndaǵy bólimderdiń bireýiniń barlyq betteri toltyrylǵan jaǵdaıda, eńbek kitapshasynyń sońǵy paraǵy men muqaba arasyna oǵan qosymsha paraq qosylady.
Qosymsha paraqtaǵy jazbalardyń nómirlenýi eńbek kitapshasyndaǵy jazbalardyń nómirlenýin jalǵastyrady.
Eńbek kitapshasy bolmasa, qosymsha paraq jaramsyz.
19. Qyzmetkerdiń qalaýy boıynsha eńbek qatynastarynyń qoldanylý kezeńinde eńbek kitapshasy jumys orny boıynsha jumys berýshide saqtalady. Eńbek kitapshalaryn saqtaý tirtibin jumys berýshi óz betinshe aıqyndaıdy.
20. Kadr qyzmeti ne jumys berýshi ýákilettik bergen laýazymdy adam eńbek kitapshalary men olardyń qosymsha paraqtaryn esepke alý kitabyn júrgizedi, onda qyzmetkerlerden qabyldap alynǵan, sondaı-aq qyzmetkerlerge berilgen barlyq eńbek kitapshalary tirkeledi.
Eńbek shartynyń toqtatylýyna baılanysty eńbek kitapshasyn alǵan kezde qyzmetker eńbek kitapshalary men olardyń qosymsha paraqtaryn esepke alý kitabyna qolyn qoıady.
21. Qyzmetker qaıtys bolǵan jaǵdaıda eńbek kitapshasy onyń týystaryna qol qoıǵyza otyryp beriledi nemese olardyń talaptary boıynsha poshta arqyly jiberiledi.
Eńbek sharty toqtatylǵan kezde qyzmetkerler ne qyzmetker qaıtys bolǵan jaǵdaıda onyń jaqyn týystary almaǵan eńbek kitapshalary uıymnyń kadr qyzmetinde qalǵan eńbek kitapshalarynan bólek eki jyl boıy saqtalady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine № 12621 bolyp engizildi.