2015 jylǵy 25 jeltoqsan, Astana qalasy
Uıymdaǵy eńbek qaýipsizdigi jáne eńbekti qorǵaý qyzmeti týraly
úlgilik erejeni bekitý týraly
Qazaqstan Respýblıkasynyń 2015 jylǵy 23 qarashadaǵy Eńbek kodeksiniń 16-baby 28) tarmaqshasyna jáne 202-baby 2-tarmaǵyna sáıkes buıyramyn:
1. Qosa berilip otyrǵan Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik ereje bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B. Nurymbetovke júktelsin.
4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 25 jeltoqsandaǵy №1020 buıryǵymen bekitilgen
Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik ereje
1. Jalpy erejeler
1. Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik ereje (budan ári – Úlgilik ereje) Qazaqstan Respýblıkasynyń 2015 jylǵy 23 qarashadaǵy Eńbek kodeksiniń (budan ári – Kodeks) 16-babynyń 28) tarmaqshasyna jáne 202-babynyń 2-tarmaǵyna sáıkes ázirlendi jáne óndiristik qyzmetti júzege asyratyn, qyzmetkerleriniń sany elýden asatyn uıymdardaǵy (budan ári – Uıym) eńbek qaýipsizdigi jáne eńbekti qorǵaý qyzmetiniń (budan ári – Qyzmet) jumysyn reglamentteıdi.
2. Qyzmet óz jumysynda memlekettik eńbek ınspeksııasy organdarymen, basqa da memlekettik qadaǵalaý jáne baqylaý organdarymen, Uıymnyń qurylymdyq bólimshelerimen jáne mamandarymen, jumyskerlerdiń ókilderimen ózara is-qımyl jasaıdy.
2. Qyzmettiń negizgi mindetteri
3. Qyzmettiń negizgi mindetteri:
1) eńbek qaýipsizdigi jáne eńbekti qorǵaý boıynsha uıymdastyrýshylyq-tehnıkalyq is-sharalar júrgizý;
2) Uıymnyń qurylymdyq bólimshelerinde eńbek qaýipsizdigi jáne eńbekti qorǵaý jónindegi jumysty uıymdastyrý jáne úılestirý jáne eńbek qaýipsizdigi jáne eńbekti qorǵaý boıynsha, jumyskerlerdiń eńbek qaýipsizdigi jáne eńbekti qorǵaý jónindegi normatıvtik quqyqtyq aktilerdiń talaptaryn oryndaýyn ishki baqylaýdy júzege asyrý bolyp tabylady.
3. Qyzmettiń quqyqtary men mindetteri
4. Kodekstiń 202-baby 4-tarmaǵyna sáıkes Qyzmet:
1) óndiristik, turmystyq jáne basqa da úı-jaılarǵa kedergisiz kiredi jáne tekserip qaraıdy;
2) Uıymnyń qurylymdyq bólimshelerinde qaýipsiz jáne salamatty eńbek jaǵdaılaryn jasaý, óndiristik jaraqattaný jáne kásiptik aýrýlardyń aldyn alý jónindegi profılaktıkalyq is-sharalardyń ázirlenýin jáne oryndalýyn baqylaýdy júzege asyrady;
3) osy Úlgilik erejege qosymshaǵa sáıkes nysan boıynsha Uıymnyń qurylymdyq bólimsheleriniń jumyskerlerine anyqtalǵan eńbek qaýipsizdigi jáne eńbekti qorǵaý talaptarynyń buzýshylyqtaryn joıý jóninde sharalar qabyldaý týraly oryndalýy mindetti nusqaýlar beredi.
5. Kodekstiń 202-baby 5-tarmaǵyna sáıkes Qyzmet:
1) aı saıyn Uıymda óndiristik jaraqattaný men kásiptik aýrýlardyń jaı-kúıi men sebepterine taldaý júrgizedi jáne olardyń aldyn alý jóninde is-sharalardy ázirleıdi;
2) eńbek qaýipsizdigi jáne eńbekti qorǵaý máseleleri boıynsha Uıymnyń jumyskerlerin oqytýdy, olardyń bilimin tekserýdi uıymdastyrady;
3) Uıymda óndiristegi jazataıym oqıǵalardy tergep-tekserý tártibiniń saqtalýyn qamtamasyz etedi.
4. Qyzmet jumysyn uıymdastyrý
6. Kodekstiń 202-babyna sáıkes Qyzmet Uıymnyń birinshi basshysyna nemese ol ýákilettik bergen adamǵa tikeleı baǵynady.
Qyzmetti Uıymnyń birinshi basshysy taǵaıyndaıtyn onyń basshysy basqarady.
7. О́ndiristiń ereksheligin, jumyskerler sanyn, eńbek jaǵdaılaryn, óndiris zııandylyǵyn jáne basqa da faktorlardy eskere otyryp, osy Úlgilik ereje negizinde jumys berýshi Eńbek qaýipsizdigi jáne eńbekti qorǵaý qyzmeti týraly erejeni ázirleıdi jáne bekitedi, Kodekske sáıkes onyń qurylymyn, mamandarynyń sanyn, negizgi mindetterin, fýnksııalaryn jáne quqyqtaryn aıqyndaıdy.
5. Qyzmettiń fýnksııalary
8. Qyzmettiń basshysy óndiristegi jazataıym oqıǵalardy tergep-tekserý jónindegi komıssııanyń múshesi bolyp tabylady jáne Uıymnyń basqa da bólimshelerimen birge óndiristegi jazataıym oqıǵa týraly aktini toltyrady jáne oǵan qol qoıady.
9. Negizgi mindetterine sáıkes Qyzmet mynadaı fýnksııalardy oryndaıdy:
1) Uıymnyń qurylymdyq bólimshelerinen Qyzmettiń quzyretine qatysty máseleler jónindegi aqparatty jáne materıaldardy belgilengen tártippen suratady jáne alady;
2) Uıymda eńbek qaýipsizdigi jaǵdaıynyń jaı-kúıin qadaǵalaıdy, eńbekti qorǵaýdy basqarý júıesin ázirleýdi, engizýdi jáne onyń tıimdi jumys isteýin qamtamasyz etedi;
3) Uıym basshylyǵyna salamatty jáne qaýipsiz eńbek jaǵdaılaryn jasaý boıynsha jumystyń uıymdastyrylýyn jaqsartý jóninde usynystar ázirleıdi jáne engizedi;
4) oqytý baǵdarlamalaryn kelisedi jáne jumyskerlerdi eńbek qaýipsizdigi jáne eńbekti qorǵaý máseleleri boıynsha oqytýǵa qatysady;
5) eńbek qaýipsizdigi men eńbekti qorǵaý máselelerin talqylaý kezinde ujymdyq shart jasasý jónindegi kelissózderge qatysady;
6) salynǵan óndiristik maqsattaǵy obektini paıdalanýǵa qabyldap alýǵa qatysady;
7) eńbek qaýipsizdigi jáne eńbekti qorǵaý jónindegi normatıvtik-tehnıkalyq qujattarmen qamtamasyz etý, eńbek qaýipsizdigi jáne eńbekti qorǵaý kabınetterin qajetti oqý quraldarymen, makettermen, anyqtamalyq ádebıetpen, plakattarmen, tehnıkalyq quraldarmen jabdyqtaý jóninde sharalar qabyldaıdy;
8) kásiporyn basshysynyń tapsyrmasyna sáıkes Qyzmettiń quziretine qatysty máseleler boıynsha jumyskerlerdiń hattaryn, ótinishterin jáne shaǵymdaryn qaraıdy;
9) óndiriste kásiptik aýrýlar men jazataıym oqıǵalardyń aldyn alý jónindegi is-sharalardy ázirleýge qatysady;
10) bólimshelerge eńbek qaýipsizdigi jáne eńbekti qorǵaý boıynsha jumysta ádistemelik kómek kórsetedi;
11) mynalardy:
memlekettik eńbek ınspeksııasynyń jáne ózge de memlekettik qadaǵalaý jáne baqylaý organdarynyń eńbek qaýipsizdigi men eńbekti qorǵaý bóligindegi sheshimderiniń oryndalýyn;
eńbek qaýipsizdigi men eńbekti qorǵaý jónindegi qaǵıdalardyń, normalardyń, standarttardyń engizilýin;
eńbek qaýipsizdigi men eńbekti qorǵaý máseleleri jónindegi Uıymnyń birinshi basshysynyń buıryqtary men ókimderiniń oryndalýyn;
eńbek qaýipsizdigi men eńbekti qorǵaý kabınetteri jumysynyń uıymdastyrylýyn jáne jumystyń ozyq tájirıbesiniń engizilýin;
arnaıy kıim, arnaıy aıaqkıim jáne basqa da jeke qorǵanysh quraldaryn satyp alýdyń, saqtaýdyń, jýýdyń, hımııalyq tazalaýdyń, keptirýdiń, shańnan aryltýdyń, zararsyzdandyrý men jóndeýdiń uıymdastyrylýyn jáne jumyskerlerdiń ujymdyq qorǵanysh quraldarymen qamtamasyz etilýin;
tıisti qyzmetterdiń jabdyqty, mashınalar men mehanızmderdi qajetti synaqtardan jáne tehnıkalyq kýálandyrýlardan ýaqtyly ótkizýin, zııandy óndiristik faktorlardyń ólshemderin ólsheý kesteleriniń saqtalýyn;
eńbek qaýipsizdigi men eńbekti qorǵaý jónindegi qoldanystaǵy normalardyń, qaǵıdalar men nusqaýlyqtardyń óndiris prosesinde, sondaı-aq jańa rekonstrýksııalanatyn óndiristik obektilerdiń jobalarynda saqtalýyn ishki baqylaýdy júzege asyrady;
12) jumys berýshiniń kelisimi boıynsha (ne onyń ruqsaty boıynsha) memlekettik eńbek ınspeksııasyna aqparatty, málimetterdi, bekitilgen esepterdi nemese ózge de qujattardy ne kóshirmelerin qaǵaz jáne elektrondyq jetkizgishterde onyń mindetterine sáıkes usynady;
13) Uıymnyń bólimshelerine eńbek jaǵdaılary zııandy jáne qaýipti jumystarda isteıtin kezekti medısınalyq tekserip-qaraýǵa jáne tekserýge jatatyn adamdardyń aty-jóni boıynsha tizimin qurastyrýda ádistemelik kómek kórsetedi;
14) Kodekstiń 183-babyna sáıkes basqa qyzmettermen birlesip, óndiristik obektilerdi eńbek jaǵdaılary boıynsha attestattaýdy ótkizýdi uıymdastyrady.
Uıymdaǵy eńbek qaýipsizdigi jáne eńbekti qorǵaý qyzmeti týraly úlgilik erejege qosymsha
Nysan
__________________________
(bólimsheniń ataýy)
Eńbek qaýipsizdigi men eńbekti qorǵaý boıynsha anyqtalǵan buzýshylyqtardy
joıý jóninde sharalar qabyldaý týraly
NUSQAÝLAR
20 ____jylǵy «___» ________ № _____
Kimge _____________________________________________________________
(tegi, aty, ákesiniń aty (ol bolǵan kezde), laýazymy)
Qazaqstan Respýblıkasynyń 2015 jylǵy 23 qarashadaǵy Eńbek kodeksiniń 202-baby 4-tarmaǵynyń 3) tarmaqshasyna sáıkes eńbek qaýipsizdigi men eńbekti qorǵaý talaptarynyń mynadaı buzýshylyqtaryn joıýdy talap etemin:
R/s № Anyqtalǵan buzýshylyqtar men olardy joıý jónindegi talaptar Oryndaý merzimi Eskertpeler
1 2 3 4
Nusqaýlardy oryndaý týraly jazbasha habardy onda kórsetilgen merzimder ótkennen keıin Eńbek qaýipsizdigi jáne eńbekti qorǵaý qyzmetine usynsyn.
Eńbek qaýipsizdigi jáne eńbekti qorǵaý
qyzmetiniń basshysy (ınjeneri): ____________ ____________________________
(qoly) (tegi, aty, ákesiniń aty (ol bolǵan kezde)
Nusqaýdy aldym: ____________ _____________________________
(qoly) (tegi, aty, ákesiniń aty (ol bolǵan kezde)
Buıryq Qazaqstan Respýblıkasynyń Ádilet mınıstrliginde 2015 jylǵy 31 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine № 12747 bolyp engizildi.