[caption id="attachment_49096" align="aligncenter" width="560"] svadba-msk.ru[/caption]
Bas prokýror Jaqyp Asanov: «Elimizdegi otbasylyq odaqty kúsheıtý qajet. Ol úshin úılenýge ótinish bergen kúnnen bastap jastar arnaıy trenıngten ótý kerek», – deıdi. Onyń pikirinshe, ótkiziletin trenıng eki jaqty eresek ómirge daıyndaý, daýlardy sheshýge úıretý sekildi jaıttarǵa mol septigin tıgizedi.
«О́ken jyly Qazaqstanda 149 myń neke tirkelse, 53 myńy ajyrasqan. Bul – árbir úshinshi otbasy. Sondyqtan da úılenemin degen jastarǵa jadynama usyný kerek. Onda ajyrasý statıstıkasy, eki jaqtyń quqyqtary men mindetteri, ákimshilik jáne qylmystyq jaýapkershiligi, múlikti bólý tártibi, syılasý, qurmetteý, keshirimdi bolý, daýdy aqylmen sheshý, kúsh qoldanbaý jóninde aqyl-keńester bolýy tıis. Bizge qatysty barlyq qajetti aqparatty berýge daıynbyz», – dedi ol.
Sonymen qatar, bas prokýror psıholog-medıator fıgýrasyn engizý qajet ekenin de aıtty. Onyń aıtýynsha, ajyrasamyn degenderge zań oılanýǵa bir-aq aı ýaqyt beredi. Osy jerde eki jaqty bitimge shaqyrý úshin psıhologtyń kómegi asa qajet.
Talǵat Raıymbek.