* Memleket mereıi

Qomaqty saıası tabys Qazaqstan birinshi ret BUU Qaýipsizdik Keńesiniń turaqty emes músheligine saı­la­nyp otyr. Atal­ǵan Uıymnyń Bas As­sambleıasynda 138 mem­lekettiń Qazaq­stan­dy qoldap daýys bergeniniń ózi eli­miz­diń halyqaralyq deń­geıdegi bedelin kórsetedi. Elimizdiń mańyzdy osy uıymǵa múshe bolǵandyǵyn el turǵyndary úlken jańalyq retinde qabyl aldy. Bul táýelsizdigimizdiń 25 jyldyǵy qarsańynda bolyp otyrǵan aıtarlyqtaı oqıǵa ekeni anyq. Shırek ǵasyrdyń ishinde memleketti qalyptastyrýdyń bar­lyq kezeńinen óttik jáne el­diń irgetasyn nyǵaıta bildik. Endi damyǵan elderdiń qataryna qosylý maqsatyn alǵa qoıyp otyrmyz. Álemniń 150-den as­tam memleketimen dostyq-eko­no­mıkalyq qarym-qatynas ornattyq. Kórshi eldermen máńgilik dostyq týraly shart jasastyq. Álemdik qoǵamdastyqtyń tolyqqandy múshesi boldyq. Endi mine, BUU Qaýipsizdik Keńesiniń músheligine saılanýy­myz úlken mańyzǵa ıe ekenin ań­ǵarýymyz kerek. О́ıtkeni, BUU Qaýipsizdik Keńesiniń bes turaqty jáne on turaqty emes múshesi bar. Atalǵan keńeske múshe bolǵan 15 el álem taǵdyryn aıqyndaıdy desek, artyq bolmas. Qazaqstan 25 jyl buryn óz aldyna qoıǵan maqsatyna kezeń-kezeńmen, tabysty jetip kele jat­qanyn álem jurtshylyǵy kórip otyr. Qabyldaǵan baǵdarla­ma­lardy oryndadyq. BUU Dek­la­ra­sııalary, beıbitshilikti qoldaý jo­lyn­daǵy álemdik mańyzy bar basqa da halyqaralyq qujattardy qa­byl­dadyq. Qandaı máselege de úl­ken mańyz berip qaradyq. Mu­nyń syrtynda, bizdiń Elbasymyz – Qazaq­stan Prezıdenti Nursultan Nazarbaev «Álem. XXI ǵasyr» at­­ty manıfesin dúnıejúziniń naz­a­ry­­na usyndy. Onda ıadrolyq qaýipsiz­dik máseleleri túgel qamtylǵan bolatyn. Elbasy halyqaralyq qarý­syzdaný úderisterin jańa tarı­hı jaǵdaılarǵa beıimdeý, soǵys­tar men janjaldardyń aldyn alý, ornyqty álemniń geografııasyn qalyptastyrý qajet ekenin atap kórsetti. Jer sharyn ıadrolyq qarýdan azat qurlyqqa aınaldyrý maqsatyn alǵa qoıdy. Memleket bas­shy­synyń atap kórset­ke­nindeı, búgingi tań­daǵy eń mańyzdy másele – ıadrolyq jáne bas­qa da jappaı-qyryp joıatyn qarý­dan tolyqtaı azat álemge qaraı dáıektilikpen ilgerileý. Bul baǵytta mańyz­dy qadam qazirdiń ózinde jasalyp otyr. 2015 jyl­dyń 7 jeltoqsanynda BUU Bas Assambleıasy Qazaqstannyń bastamasy boıynsha Iаdrolyq qarýdan azat álem qurý týraly jalpyǵa ortaq deklarasııa qabyldady. Bul soǵys qarýlarynan azat álemge qaraı jasalǵan qadamnyń biri bolmaq. 1991 jyly álemde alǵash bolyp Qazaqstan Semeı ıad­rol­yq synaq polıgonyn japty. Bizdiń eldiń bul qadamyn beıbitshilikti qoldaıtyn álem jurtshylyǵy joǵary baǵalap otyr. Osy oraıda, Elbasy usynǵan manıfeste qamtylǵan keshendi máseleler BUU Qaýipsizdik Keńesi­niń maqsat-múddesimen tolyqtaı sáıkes kelip otyrǵanyn atap óter edim. Eger biz bárimiz kún saıyn Pre­­­zı­denttiń ózi bastap, barlyq uıym­dar, barlyq saıası partııalar, bizdiń qoǵamdyq ınstıtýttar bolyp, el turǵyndarynyń bir­ligin saqtaý jolynda eńbek etpe­gen bolsaq, Qazaqstandaǵy turaq­tylyq týraly aıtýdyń ózi múmkin bolmas edi. Biz búgin qalyptasqan memleket boldyq dep senimdi túrde málimdep otyrmyz. Sonymen birge, birligi myqty halyq bolyp qalyptastyq dep te maqtanyshpen aıta alamyz. Biz qandaı maqsat jolynda alǵa basyp bara jatqanymyzdy aıqyn bilemiz. Máńgilik El qurý jolynda qandaı qadamdar jasaıtynymyzdy anyqtadyq jáne ony qandaı quqyqtyq keńistikte júzege asyratynymyzdy da naqtylap aldyq. О́ıtkeni, Parlament bizdiń barlyq reformalarymyzdyń zańnamalyq turǵyda qamtamasyz etilýi úshin qyzmet jasap keledi. Táýelsizdiktiń 25 jyldyǵy ishinde biz ishki tutastyǵymyzdy saqtaı otyryp, jahandyq máse­lelerge aralasa alatynymyz­ǵa birinshi kezekte ózimizdiń kózi­mizdi jetkizdik, sondaı-aq hal­qy­myzdyń jáne álem jurt­shy­lyǵynyń kózin jetkize bildik. Elbasymyzdyń álem aldyndaǵy bedeli óte joǵa­ry ekenin álem­niń tanymal saıasat­kerleri jahan­dyq máse­lelerdiń barlyq para­metrleri boıynsha keńesip otyratynynan-aq anyq kórýge bolady. Álemniń qaı­bir túkpirinde daý, janjaldar men qaqtyǵystar bolyp, saıası daǵdarystar týyndaı qalǵan jaǵ­daıda, Nursultan Ábishulynyń kemeńgerlik keńe­sine júginedi. Ony ómirde kórip júrmiz, Aıtalyq, Ýkraına men Reseı, Reseı men Túrkııa jáne basqa da aımaqtar arasyndaǵy saıası daǵdarystar men túsinis­peý­shilikter bolǵanda, olardy toqtam jasaýǵa, barlyq máseleni beıbit jolmen sheshýge shaqyrǵan biz­diń eldiń Prezıdenti Nursultan Nazarbaev bolatyn. BUU Qaýipsizdik Keńesi qa­byl­daǵan kez kelgen sheshimdi, aı­qyn­daǵan mindetterdi endi biz de oryndaı alamyz. Ol úshin biz­diń tájirıbemiz de, barlyq múm­kindigimiz de bar. Qazaqstannyń BUU Qaýipsizdik Keńesiniń turaqty emes múshe­ligine saılanýy birtutas hal­qy­myzdyń tolymdy tabysy jáne jarqyn jetistigi der edim. Bul – qomaqty saıası tabys. Bul Qazaq­­stan Prezıdenti Nursultan Nazarbaevtyń álemdik saıasattaǵy róli men eńbegin joǵary baǵalaý dep bilemin. Bul – Qazaqstan hal­qynyń róli men ornyn tanyp-bilýi. Qazaqstandy álemdegi eń joǵa­ry halyqaralyq deńgeıdegi teń quqyqty saıası róli zor el re­tin­de tanýy ekenin basa aıtar edim. Sondyqtan men elimizdiń barsha halqyn osy bir aıryqsha oqıǵamen quttyqtaımyn. Kim Qazaqstandy óz Otanym dep súıetin bolsa, sol úshin bul úlken mártebe dep esepteımin. Ahmet MURADOV, Parlament Májilisiniń depýtaty, Qazaqstan halqy Assambleıasy keńesiniń múshesi

Belester bıikteı beredi

Qazaqstan Táýelsizdiginiń shırek ǵasyryna qadam basqan saıyn elimizdiń ulyqtyǵyn dáripteıtin oqıǵalar legi qalyńdaı túsýde. Biz maqtanatyndaı jaǵdaılar bar. Ony álem qaýymdastyǵy moıyndap otyr. Qazaqstan Respýblıkasy Azııa toby memleket­teri­niń atynan Birikken Ulttar Uıymy Qaýip­sizdik Keńesiniń 2017-2018 jyldarǵa turaqty emes múshesi bolyp saılanýyn mereı tizbesiniń bıigine qosamyz. Tarıhymyzda buryn bolmaǵan oqıǵa keshegi 28 maýsymda, Nıý-Iorkte, BUU Bas Assam­bleıasynda ótken daýys berýdiń nátı­jesinde málim boldy. Qazaqstan Respýblıkasynyń Prezıdenti  Nursultan Nazarbaev osynaý oqıǵaǵa qatysty halqymyzǵa arnaǵan Úndeýinde: «Bul Keńes – Birikken Ulttar Uıymynyń Jarǵysymen «halyq­aralyq beıbitshilik pen qaýip­sizdiktiń basty jaýapkershiligi» júktelgen, turaqty jumys jasaıtyn organ. Elimizdiń oǵan saılanýy – Qa­zaq­stannyń halyqaralyq arena­daǵy bedeli men eńbeginiń moıyndalýy degen sóz», dep aıryqsha atap kórsetti. Munyń astarynda elimizdi aspandatatyn da, tuńǵıyq oılarǵa boılatatyn da máseleler jatqandyǵy belgili. О́ıtkeni, ulan-ǵaıyr mereıge álem tynysyndaǵy alasapyran sátter tizbeginde jetip otyrmyz. Bizdiń elimiz beıbitshilikti, qaýipsizdikti jáne ornyqty damýdy jaqtaıtynyn táýelsizdik jyldarynyń bárinde óziniń naqty isterimen dáleldep keledi. Bul ǵalamtor tórindegi jaýapkershiligimizdi eseleı túspek. Iаǵnı, Qazaqstan ǵajapstan dáýirindegi umtylystarymen kózge túsetin shaq týdy. Bizge álemdik qoǵamdastyqtyń mundaı senim kórsetýi mem­le­ketimizdiń qarqyndy damýyna jáne bereke-birligimizge tikeleı baılanysty bolmaq. Qazir beıqam otyratyn jaǵdaı emes. Álemdik qaýym­dastyq senim mandatyn jaı­dan-jaı bere qoımaıdy. Qazaq­stannyń BUU Qaýipsizdik Keńe­siniń músheligine saılanýy halyq taǵdyryndaǵy qubylys túrindegi oqıǵa. Bul Elbasynyń sózimen aıtqanda, tek bizdiń elimizdiń ǵana emes, sondaı-aq, buǵan deıin esh­qa­shan halyqaralyq beıbitshilik pen qaýipsizdikke jaýap beretin organ­da ókilettilik etpegen búkil Orta­lyq Azııa sýbóńiriniń de tabysy. Endigi jerde Qazaq eli jahandyq prob­lemalardy sheshýdiń joldaryn izdestirýge súbeli úles qosatyn bolady. Turaqty jáne qaýipsiz álem – bul azamattarymyz ben balalarymyz úshin asa qajetti qundylyq. «Naq sondyqtan Qazaqstan bolashaq qazirgiden de senimdirek jáne ıgiliktirek bolýy úshin ózine berilgen múmkindikti paıdalanyp qalýǵa umtylatyn bolady. Biz jahandyq qoǵamdastyqtyń nazaryn buǵan deıingi kókeıkesti bastamalarymyzǵa aýdarý nıe­tin­demiz. Olar ıadrolyq qarý men soǵys vırýstarynan jáne janjaldardan azat álem qurýǵa baǵyttalǵan». Nursultan Ábishuly­nyń osynaý sózderi Qazaqstan halqynyń júreginen shyqqan pátýáli pikir dep sanaımyn. Osynyń barlyǵy árkimge de qatysy bar tolǵaqty máseleler ekendigi anyq. «Elimiz osynaý zor senimniń úde­sinen shyǵyp, Qazaqstannyń álem­dik arenadaǵy abyroıy asqaq­taı túserine kámil senemin!», deıdi bizdiń Prezıdentimiz. Ataly sózdiń asqaqtatatyn aýanyndaǵy halqymyz belester bıiginen kórine beretini kúmánsiz. Boranbaı BEGALIN, memlekettik qyzmetkerler kásipodaǵy Aqmola oblystyq komıtetiniń tóraǵasy, qalalyq máslıhat depýtaty KО́KShETAÝ