Varshavada Qazaqstannyń Polshadaǵy elshisi Altaı Ábıbýllaevtyń Polsha Senatynyń marshaly Stanıslav Karchevskımen kezdesýi ótti. Kezdesý barysynda ekijaqty qarym-qatynastardyń ózekti máseleleri, sondaı-aq, parlamentaralyq únqatysýdy nyǵaıtýdyń keleshegi sóz boldy.
Qazaqstan elshisi elderimizdiń tıisti quqyqtyq bazasyn qamtamasyz etetin eki el parlamentshileriniń yntymaqtastyǵyn nyǵaıtýdyń mańyzdylyǵyn atap ótip, suhbattasýshysyn Qazaqstannyń áleýmettik-ekonomıkalyq saıasatymen jáne ekijaqty yntymaqtastyqtyń keleshegimen, sondaı-aq, Memleket basshysynyń jahandyq jáne óńirlik bastamalarymen tanystyrdy. Elshi Senat tóraǵasyn 28-29 tamyzda Astanada ótetin «Iаdrolyq qarýsyz álem qurý» halyqaralyq konferensııasyna shaqyrdy.
О́z kezeginde S.Karchevskı osy jyldyń mamyr aıynda ótken Qazaqstanǵa resmı sapary barysynda jyly qabyldaýy úshin el basshylyǵyna shyn júrekten alǵysyn bildirdi. Polsha Senatynyń spıkeri Qazaqstan Prezıdenti Nursultan Nazarbaevpen jeke kezdesýinen alǵan áserlerimen bólisip, taǵy da óz saparyn jemisti uıymdastyrǵany úshin Qazaqstan Parlamenti Senatynyń Tóraǵasy Qasym-JomartToqaevqa rızashylyǵyn bildirdi.
Spıker Qazaqstanda júzege asyrylyp jatqan saıası jáne áleýmettik-ekonomıkalyq reformalardy oń baǵalap, eki el arasyndaǵy ekijaqty yntymaqtastyqtyń áleýetin tilge tıek etti jáne Qazaqstanmen yntymaqtastyqty nyǵaıtý baǵytyndaǵy jumysyn jalǵastyrýǵa nıetti ekenin jetkizdi.
S.Karchevskı kezdesý sońynda Qazaqstan Prezıdentin jáne barlyq qazaqstandyqtardy elimizdiń 2017-2018 jyldarǵa BUU Qaýipsizdik Keńesiniń quramyna saılanýymen quttyqtap, Qazaqstan EAEO keńistiginde Polshanyń mańyzdy áriptesi bolyp tabylatynyn atap ótti jáne ekijaqty, sondaı-aq, kópjaqty yntymaqtastyqtyń barlyq salasy boıynsha baılanystardy odan ári nyǵaıtýǵa erekshe qyzyǵýshylyq tanytty.
«Egemen-aqparat»