Keshe Májilis depýtattary saılaýshylarmen kezdesý úshin óńirlerge attandy. Barlyq úsh partııa men Qazaqstan halqy Assambleıasynan saılanǵan májilismender tek oblys pen aýdan ortalyqtarynda ǵana emes, shaǵyn qalalar men alys aýyldarǵa da shyǵatyn bolady.
Depýtattar eńbek ujymdary men óndiris jáne áleýmettik salada jumys isteıtindermen júzdesip, qoǵamdyq qabyldaý jasaıtyny josparlanǵan. Májilismender bárinen buryn Parlamenttiń altynshy shaqyrylymynyń birinshi sessııasyndaǵy zań shyǵarý jumysynan habardar etedi. «Máńgilik El» Patrıottyq aktisi men «100 naqty qadam» Ult Josparynyń júzege asyrylý barysy týraly da halyqqa aıtyp beredi.
Sonymen qatar, depýtattar bıýdjet qarjysy esebinen júzege asyrylatyn 2015-2019 jyldarǵa arnalǵan «Nurly Jol» memlekettik baǵdarlamasy nysandarynyń jaǵdaıyn biletin bolady.
Májilis depýtattarynyń halyqpen júzdesýleri 2-shilde men 26 tamyz aralyǵynda kezeń-kezeńmen ótetin bolady, dep habarlady Parlament Májilisiniń baspasóz qyzmeti.