Týý týraly kýálik... 117 jasynda
Meksıkanyń eń jasy úlken turǵyny – 117-degi Trınıdad Alvares ómirindegi birinshi týý týraly kýáligin Mehıkonyń áleýmettik damý mınıstriniń qolynan aldy.
Alvares 1898 jyly týǵan. Ol eshqashan turmys qurmaǵan, óziniń ógeı sheshesinen týǵan jeti balany tárbıelep, úı sharýasymen ǵana aınalysypty. Sonymen qatar, eshqashan onyń jasy men azamattyǵyn aıǵaqtaıtyn qujaty bolmapty. Budan málimet alǵan sheneýnikter keıýanaǵa dereý qujat tapsyra qoıypty. Biraq áıel erteńine júrek talmasynan qaıtys bolyp ketken.
«Jerar Depardege...» – 600 rýbl aıyppul!
Reseıdiń Arhangelsk qalasynda tıisti salyqtaryn tólemegeni úshin... Jerar Deparde sotqa májbúr etý jolymen ákelindi.
Biraq bul Jerardyń fransýz akterine eshqandaı qatysy joq bolyp shyqty. Týǵan kezindegi aty-jóni Andreı Valentınovıch Hrıstoforov bolyp tabylatyn azamat ony osy kezge deıin 4 ret ózgertipti. Sońǵysynda Jerar Ksavemarselevıch Deparde atanǵan sabaz bıýdjetten tys qorlar organyna qujat tapsyrmaǵany úshin 600 rýbl aıyppul tóleıtin bolyp jaza alǵan eken.
«Áıelimniń júzigi – 300 myń dollar!»
Mıllıarder Donald Tramptyń ekinshi áıeli – aktrısa Marla Meıplzdiń neke saqınasy Nıý-Iorktiń aýksıonynda 300 myń dollarǵa satyldy.
Meıplz bul júzikti 1999 jyly Tramptan ajyrasqannan keıin satyp jibergen eken. Sol joly ony bir erli-zaıyptylar 110 myń dollarǵa alypty. Al qazir injý jalatylǵan 7,45 karatty júziktiń jańa ıesi ashyp aıtylmaı otyr. Muny basynda satyp alǵan AQSh prezıdenttigine qazirgi úmitker óz ómirinde úsh ret úılengen. Onyń bulardan bes balasy, segiz nemeresi bar.
Japon azamaty úrlemeli áıelge ǵashyq
Japonııada turatyn 61 jastaǵy Sendzı Nakaıama nyspyly azamat Saorı degen qýyrshaqqa ǵashyq bolyp qalypty.
Uzaq jyldar bir áıelmen bir shańyraq astynda ómir súrip, eki balaly bolǵan jigit aǵasy sońǵy 10 jylda úıinen jyraqta turǵan. Ol jalǵyzdyqtan jabyrqap júrgen kezinde úrlemeli rezińke áıel satyp alady. Sodan bastap onyń turmys salty kúrt ózgeredi. Ol qýyrshaǵyn kúndelikti dalaǵa alyp shyǵyp, adam sııaqty serýendetip turýdy da daǵdyǵa aınaldyrypty.
Úndiler sıyr dáretinen altyn tapty
Úndistannyń Djýnagadh aýyl sharýashylyǵy ýnıversıtetiniń ǵalymdary Gýdjarat shtatynda júrgizgen zertteý jumystarynyń nátıjesinde gır sıyrlarynyń kishi dáretinen altyn tapqan kórinedi.
Oqymystylar zertteýdi hramott-mass-spektrometrııa gazdy tásilin qoldaný arqyly júrgizgen. Aıtýlarynsha, múıizdi iri qaranyń kishi dáretiniń ár lıtrinen úshten on mıllıgramǵa deıin hımııalyq qospalar túrindegi altyn bolatyny anyqtalǵan. Mamandar tipti osy altyndardy alyp shyǵaryp, krıstalǵa aınaldyrý úderisin de jasap kóripti.
iPhone-ǵa úılengen azamat ta shyqty
Estimegen elde kóp. Buryn óziniń taǵdyryn túrli jan-janýarlarǵa «qosatyn» erler men áıelderdiń attary estilip jatýshy edi. Bul jolǵy sondaı «mahabbat ıesi» jansyz zat - iPhone smartfonyna úılengenin jarııalapty.
Amerıkada turatyn Aaron Chervenak esimdi jigit atalmysh sharany ótkizýge Las-Vegastaǵy shirkeý qyzmetkerlerin qoımaı júrip kóndiripti. Ol bul ersileý qadamyn óziniń smartfonǵa qanshalyqty táýeldi ekenin, sonymen tań atyryp, kún batyratynyn, uıyqtaǵanda da qasyna alyp jatatynyn jurtshylyqqa jetkizý úshin jasaıtynyn aıtqan.
Kúıeýiniń aǵzalaryn alty adamǵa satqan
Qytaıda bir áıel qaıtys bolǵan brıtanııalyq kúıeýiniń aǵzalaryn berý arqyly alty adamnyń ómirin saqtap qalypty.
Chjeszıan provınsııasyndaǵy Hanchjoý qalasynda turatyn 49 jastaǵy Mark Terens Osborn degen oqytýshy kisi bıylǵy naýryz aıynda komaǵa túsip, úsh aıdan soń qaıtys bolady. Osydan keıin Van esimdi qytaılyq áıeli marqumnyń Brıtanııada turatyn birinshi áıelinen týǵan qyzynyń kelisimin alyp, onyń júregin, baýyryn, eki búıregin, eki kóziniń qarashyǵyn transplantasııaǵa zárý qytaılyq azamattarǵa berý jónindegi qujatqa qol qoıady.
Sheteldik aqparat agenttikteriniń materıaldary
negizinde daıyndaldy