Álemniń tártibi áldeqandaı bir memlekettiń yqpalymen emes, ol halyqaralyq qaýymdastyqtyń ózara kelisken is-qımyly nátıjesinde qalyptasýǵa tıis. Qytaı kompartııasynyń 95 jyldyǵyna arnalǵan saltanatty jıynda sóılegen sózinde partııa ortalyq komıtetiniń bas hatshysy Sı Szınpın osylaı dedi.
«Sınhýa» agenttiginiń habarlaýynsha, Qytaı jalpy álemdik júıeni basqarýdy jasaýǵa belsendi túrde qatysyp, bul júıeniń jetilmegen jaqtaryn tolyqtyrýǵa atsalysýǵa ázir.
«Halyqaralyq tártip pen basqarýdyń keń aýqymdy júıesi álem men jurtqa paıda ákelýi tıis, al barlyq elder turǵyndarynyń ıyqtaryna halyqaralyq tártip qandaı bolýy kerek jáne qandaı keń aýqymdy basqarý júıesi paıda ákeledi degen mindetter túsetin bolady», - dep atap ótti Sı Szınpın.
«Biz kúlli álemniń jurttarymen birge álemdik tártip pen basqarýdyń keń aýqymdy júıesi ádildik pen kemel oı baǵytyna qaraı qalaı qozǵalýy kerektigi jóninde jumys jasaıtyn bolamyz», - dedi Qytaı basshysy. Ol búkil álem halyqtarynyń muny jasaı alatynyna senim bildirdi.
Talǵat RAIYMBEK.