Astanada Qazaqstan Respýblıkasy Prezıdenti Nursultan Nazarbaevtyń júldesi úshin qazaq kúresinen «Qazaqstan barysy-2016» respýblıkalyq týrnıri ótti.
Fınalda 2012 jáne 2015 jyly «Qazaqstan barysy» ataǵyn ıelengen Beıbit Ystybaev pen buǵan deıin jarystyń qola júldegeri atanǵan Jumanazar Ersultanov kezdesti. Beldesýde týrnırdiń eki dúrkin jeńimpazy Ystybaev taǵy da altyn taıtuıaqty jeńip alyp, týrnırdiń úsh dúrkin jeńimpazy atandy. Bıylǵy beldesýde Jambyl oblysynyń taǵy bir ókili qurmet tuǵyryna kóterildi. Qola júldeni Aıbol Aıtbek ıelendi.
«Qazaqstan barysy-2016» týrnıriniń jeńimpazy – Beıbit Ystabaevqa 25 mln. teńge, altyn taıtuıaq jáne Astanadan bir bólmeli páter berildi. Ekinshi oryn alǵan Jumanazar Ersultanovqa 5,5 mln.teńge, úshinshi oryn ıegerine 1,8 mln. teńge kóleminde syılyq tabys etildi.
Aıan ÁBDÝÁLI.
Foto: Orynbaı Balmurat.