[caption id="attachment_49890" align="alignnone" width="560"] Foto: akorda.kz[/caption]
Búgin Aqordada Qazaqstan Prezıdenti Nursultan Nazarbaev Brazılııanyń Rıo-de-Janeıro qalasynda ótetin Olımpıadaǵa qatysatyn sportshylarmen kezdesip, olarǵa elimizdiń erekshe úmit artatynyn atap ótti.
–Olımpıadada sportshylarymyzǵa sáttilik tileımin. Sportshylarymyz Olımpıadaǵa qatyssa mereıimiz asyp, qýanamyz. Sondyqtan otandastarymyz tórt jylda bir keletin dúbirli dodada chempıon atansa muny biz Qazaqstan Táýelsizdiginiń 25 jyldyǵyna arnalǵan syı retinde qabyldaımyz. Olımpıada aıaqtalǵan soń chempıondardy maqtanyshpen jáne qurmetpen kútetin bolamyz, – dedi Qazaqstan Prezıdenti.
Memleket basshysy qazirgi kezde elimiz Táýelsizdik tarıhyndaǵy eń myqty sporttyq áleýetke ıe ekenine toqtalyp ótti.
–Búginde bizdiń sportshylar 38 olımpıadalyq sport túriniń 26-synan 100-den astam lısenzııa utyp aldy. Munyń ózi jaqsy jetistik, – dedi Nursultan Nazarbaev.
Elbasy elimizde árdaıym sportqa erekshe mán berilip kele jatqanyna nazar aýdardy.
– Sońǵy úsh jyldyń ózinde olımpıadalyq rezervti keshendi túrde daıyndaý úshin halyqaralyq deńgeıdegi sport nysandary salyndy. Olar – AIBA Dúnıejúzilik boks akademııasy, Almatyda Dzıýdo akademııasy, Tarazda «Taraz-Arena» stadıony. Sonymen qatar Qaraǵandyda «Qaraǵandy-Arena» muz saraıy men Astanada júzý kesheni bar kóp fýnksıonaldy muz saraıy iske qosyldy. Budan bólek bolashaq olımpıadashylardy О́skemendegi Olga Rypakova atyndaǵy Jeńil atletıka ortalyǵy men Almatydaǵy Aleksandr Vınokýrov atyndaǵy Sport saraıy daıarlaýda, – dedi Elbasy.
Nursultan Nazarbaev paralımpıada qozǵalysynyń damýyna da memlekettiń júıeli qoldaý kórsete otyryp, sportpen shuǵyldanýǵa nıetti barsha azamattar úshin jaǵdaı jasap jatqanyn aıtty.
Budan basqa, Qazaqstan Prezıdenti úsh jyl boıy «Qazsport» telearnasynyń tabysty jumys istep kele jatqanyn atap ótti.
– Efırdiń jartysynan kóbi Qazaqstan sportshylarynyń qatysyp jatqan halyqaralyq jáne ulttyq jarystardyń kórsetilimi. Telearnanyń reıtıngisi ósti. Sport degenimiz – densaýlyq, rýhtyń kúshtiligi, otansúıgishtik. Men jastarymyzdy dene shynyqtyrýmen jáne sportpen kóbirek shuǵyldanýǵa shaqyramyn, – dedi Memleket basshysy.
Nursultan Nazarbaev Táýelsizdik jyldarynda eń aıtýly halyqaralyq jarystarda óz eliniń týyn maqtanyshpen alyp júrgen daryndy sportshylar shoǵyry tárbıelengenin atap ótti.
– Táýelsiz Qazaqstannyń 25 jyldyq sport tarıhyna Olımpıada oıyndarynyń 17 chempıonynyń esimi altyn áriptermen jazyldy. Biz azamattarymyzdy patrıottyqqa, salamatty ómir saltyna tárbıeleýde olımpıadashylarymyzdyń eńbegi qanshalyqty zor ekenin bilemiz. Búginde sizderdiń aldaryńyzda ózderińizdiń sporttyq nátıjelerińiz arqyly búkil álemge Qazaqstan sportynyń áleýetin taǵy da dáleldeý mindeti tur. Sizder jalpykomandalyq esepte barynsha joǵary oryn ıelený úshin umtylýǵa tıissizder. Sizderge olımpıadalyq jarysqa jaqsy daıyndalý úshin qajetti barlyq jaǵdaı jasaldy, – dedi Qazaqstan Prezıdenti.
Qazaqstannyń sport delegasııasy ókilderi óz sózderinde dene shynyqtyrý men sportty damytý máselelerine memleket udaıy nazar aýdaryp kele jatqanyn aıta kelip, Nursultan Nazarbaevqa aq tilegi men qoldaýy úshin alǵystaryn bildirdi.
Kezdesý sońynda Qazaqstan Prezıdenti Olımpıadalyq quramanyń tý ustaýshysy R.Japarovqa memlekettik týdy tapsyrdy.
[caption id="attachment_49891" align="alignnone" width="560"] Foto: akorda.kz[/caption]
[caption id="attachment_49892" align="alignleft" width="560"] Foto: akorda.kz[/caption]
[caption id="attachment_49893" align="alignnone" width="560"] Foto: akorda.kz[/caption]
[caption id="attachment_49894" align="alignnone" width="560"] Foto: akorda.kz[/caption]
[caption id="attachment_49896" align="alignnone" width="560"] Foto: akorda.kz[/caption]
Dastan KENJALIN