[caption id="attachment_49907" align="aligncenter" width="560"] Foto: akmola-zhastary.kz[/caption]
Stepnogor qalasynyń «Batyr» áskerı-sporttyq klýbynyń músheleri respýblıkalyq «Aıbyn» áskerı-patrıottyq jıynynyń jeńimpazy atandy. Jarysqa elimizdegi joǵarǵy oqý ornyndaǵy áskerı kafedralardyń, áskerı mektepterdiń jáne arnaıy klýbtardyń 800 ókili qatysty.
«Batyr» 16 komandanyń ishinen úzdik kórsetkishke jetip, oblys abyroıyn asqaqtatty. Báseke barysynda tikushaqtan raketa jiberý, tank shabýylyna toıtarys berý, terrorshylarmen kúrestiń shartty kórsetilimi sııaqty kúrdeli syndardan súrinbeı ótken stepnogorlyq órender áskerı án baıqaýynda da úzdik atandy.
Jeńimpazdardy Qorǵanys mınıstri Imanǵalı Tasmaǵambetov marapattap, elimizdiń áskerı oqý oryndaryna jeńildikpen qabyldaný quqyǵyn beretin sertıfıkattardy tapsyrdy.
Baqbergen AMALBEK