Korporasııa basshysymen kezdesti

Elbasy Nursultan Nazarbaev CNPC korpo­rasııa­sy dırektorlar keńe­siniń tóraǵasy Van Ilın­men kezdesti, dep habarlady Prezıdenttiń baspasóz qyz­meti. Kezdesý barysynda kompa­nııanyń Qazaqstandaǵy qazir­gi qyzmetiniń máseleleri, so­nyń ishinde Qashaǵan ken or­nyn­daǵy jóndeý-qalpyna keltirý ju­­mys­tarynyń ja­ıy jáne Qa­zaq­stan gazyn Qy­taıǵa eks­port­taý­dyń pers­pek­tıvalary tal­qy­landy. Memleket basshysy CNPC Qazaqstandaǵy iri ın­ves­tor­lardyń biri bola otyryp, eki el arasyndaǵy ekonomıkalyq y­n­­ty­maqtastyqty tereń­detýge septigin tıgizip kele jat­qanyn atap ótti. – 1997 jyldan bastap kompanııa bizdiń ekonomıkamyzǵa 10 mıllıard dollar ınvestısııalap, taǵy 20 mıllıard dollardy munaı ken oryndaryn barlaý men ıgerý, munaı jáne gaz qubyrlaryn tartý isine jumsady. Bul – óte úl­ken ınvestısııa. Qazirgi kezde barlyq munaı kompanııalary energııa resýrstarynyń álem­dik baǵasynyń tómen­deýine baılanysty týynda­ǵan qıyndyqtardy bastan ót­ke­rýde. Sondyqtan, budan ári júzege asyratyn áre­ket­teri­mizdi talqylaıtyn kez keldi, – dedi Nursultan Nazar­baev. Sondaı-aq, Qazaqstan Prezı­denti CNPC korpora­sııa­­synyń basshysyna As­tana­daǵy Ulttyq bı men balet jo­ǵary mektebiniń qury­ly­syna atsalysqany úshin alǵys aıtty. Van Ilın Memleket basshysyna kompanııa qyzmetin qoldap otyrǵany úshin rızashylyq bil­dirip, aldaǵy kezeńdegi jumys­tar­dyń jospary týraly habardar etti.