Elbasy Nursultan Nazarbaev memleket qaıratkeri, burynǵy Densaýlyq saqtaý mınıstri Salıdat Qaıyrbekovanyń qaıtys bolýyna baılanysty marqumnyń jaqyndary men týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Nursultan Nazarbaev belgili memleket qaıratkeri S.Qaıyrbekovanyń mezgilsiz qaıtys bolýyna baılanysty aýyr qaıǵyǵa ortaqtasa otyryp, onyń jaqyndary men týystaryna kóńil aıtty. Sondaı-aq, Qazaqstannyń densaýlyq saqtaý júıesin reformalaý isine S.Qaıyrbekovanyń zor úles qosqanyn atap ótti.
«Salıdat Qaıyrbekova óz eliniń joǵary bilikti mamany ári laıyqty azamaty retinde qarapaıym dárigerden bastap, Densaýlyq saqtaý mınıstri laýazymyna deıin úlken eńbek jolynan ótti. Tereń bilimi men baı tájirıbesiniń arqasynda halyqqa zamanaýı talaptarǵa saı medısınalyq qyzmet kórsetý sapasyn arttyrý isine qomaqty úles qosyp, tarıhta iz qaldyrdy. Eger aýyr naýqasy bolmasa, ol Otanymyzdyń ıgiligi úshin áli kóp nárse jasar edi», – delingen jedelhatta.
Sońynda Nursultan Nazarbaev qazaqstandyqtar S.Qaıyrbekovanyń esimi men eńbegin umytpaıtynyn aıtty.