[caption id="attachment_51458" align="aligncenter" width="560"] Foto: rublev.com[/caption]
AQSh-tyń Kentýkkı shtatyna qarasty Ýıllamstoýn qalasynda dinı-tarıhı Ark Encounter parki ashyldy. Basty qonaqjaılylyqtyń sımvoly – Nuh paıǵambardyń alyp kemesi.
ihsan.kz saıtynyń aqpary boıynsha, tarıhı kemeniń uzyndyǵy – 155 metr, eni – 25 metr, al bıiktigi 15 metrdi quraıdy. Sonymen qatar, jobaǵa 100 mıllıon dollar qarjy jumsalǵan eken.
Jańadan ashylǵan orynǵa kelýshiler Nuh paıǵambarǵa arnalǵan ekspozısııany, onyń jer betin topan sý basqan kezde tıep alyp, qutqaryp qalǵan jan-janýarlardyń músinderin, sondaı-aq dınozavrlardy da kóre alady.
[caption id="attachment_51461" align="aligncenter" width="560"] Foto: mk.ru[/caption]
«Answers in Genesis» jobasyn daıyndaǵandar Qudaıdyń adamdardy, dınozavrlardy bir ýaqytta jaratqanyna senimdi. Demek, paıǵambardyń tusynda bul jyrtqyshtar ómir súrgen. Alaıda, ǵalymdar olardyń adamzat paıda bolǵanǵa deıin 65 mıllıon jyl buryn jer betinen joıylyp ketken degen pikirlerin alǵa tartýda.
Kemeni bas-aıaǵy 6 jylda jasap shyǵarǵan eken. Boljam boıynsha, bul orynǵa alǵashqy jyly 2 mıllıonǵa jýyq adam keledi.
Aıan ÁBDÝÁLI