[caption id="attachment_51901" align="aligncenter" width="560"] Foto: tass.ru[/caption]
Germanııanyń Troıhtlıngen aımaǵynan Vıýrsbýrgke baǵyt alǵan jolaýshylar poıyzynda balta ustaǵan er adam 15 adamdy jaraqattaǵan.
«Oqys oqıǵa saǵat 21:15 shamasynda bolǵan. Qolyna balta men pyshaq ustaǵan er adamnyń mundaı áreketine ne túrtki bolǵany ázirge belgisiz. Bári aıaqastynan boldy», – dep habarlady jergilikti quqyq qorǵaý organynyń qyzmetkeri.
Al kúdikti eshnárse aıtpastan poıyzdan túsip ketken. TASS aqparat agenttiginiń aqparyna sáıkes, polısııa qyzmetkerleri onyń qarsylyq tanytqanyna baılanysty kóp uzatpaı ony atyp óltirgen.
Bavarııa jerindegi ishki ister mınıstri Ioahım Herman ARD telearnasyna bergen suhbatynda jolaýshylarǵa shabýyl jasaǵan kúdikti – 17 jastaǵy aýǵanstandyq ekenin aıtty. Al dárigerlerdiń málimeti boıynsha keı jolaýshylardyń jaraqaty tym aýyr.
Qazirgi tańda oqıǵa ornynda tergeý jumystary júrip jatyr.
Aıan ÁBDÝÁLI