[caption id="attachment_51941" align="aligncenter" width="560"] Foto: venturebeat.com[/caption]
Batys Qazaqstan oblysynda kezekte turǵan 2278 otbasyǵa jer telimi bıyl beriletin boldy. Osyǵan baılanysty úkimet qorynan qosymsha 1,2 mıllıard teńge bólingen.
«Nurly jol» baǵdarlamasy boıynsha bólingen qarjy ınjenerlik-kommýnıkasııalyq júıelerdi tartýǵa jumsalady. 24.kz aqparyna sáıkes, Aq Jaıyq óńirinde turǵyndarǵa jer telimi eń kóp beriletin – Bórili aýdany. Bul mańaıda bıyl 1623 adam jeke úı salatyn jer alady.
Al oblys ortalyǵynyń Zelıonov aýdanynda osy jyldyń sońyna deıin kezekte turǵan azamattarǵa 360 jer telimi úlestirilýi tıis. Ol aýdan ortalyǵy Premetnyı, Volodar jáne Beles aýyldarynan ázirlenip jatyr.
«Nurly jol» baǵdarlamasy boıynsha aýdanǵa elektr jelileri jáne sýmen qamtamasyz etý jóninde 250 mıllıon teńge bólindi. Volodar aýylynan 200-ge jýyq adamǵa beriledi. Peremetnyı aýylynan 200, sonyń 100 ýchaskesin qurylys aıaqtalǵannan keıin berýdi bastaımyz», – dedi Zelenov aýdandyq jer qatynastary bóliminiń basshysy Qaırat Tólegenov.
Temir QUSAIYN